ირაკლი ღარიბაშვილმა მოლაპარაკების პროცესში ჩართულობისთვის შარლ მიშელს, კარლ ჰარცელს და კელი დეგნანს მადლობა გადაუხადა

საქართველოს პრემიერ-მინისტრმა ირაკლი ღარიბაშვილმა პოლიტიკური გუნდის სახელით, მოლაპარაკების პროცესში ჩართულობისთვის ევროპული საბჭოს პრეზიდენტ შარლ მიშელს, ევროკავშირის ელჩ კარლ ჰარცელს და ამერიკის შეერთებული შტატების ელჩ კელი დეგნანს მადლობა გადაუხადა.

„მე მინდა ჩვენი მთავრობის, პოლიტიკური გუნდის სახელით ბატონ მიშელს კიდევ ერთხელ მადლობა გადავუხადო. ასევე, მინდა ბატონ ელჩს, კარლ ჰარცელს დიდი მადლობა გადავუხადო რამდენიმე თვის განმავლობაში მისი პირადი ჩართულობისთვის. მანამდეც, ფასილიტაციის პროცესში აქტიურად იყო ჩართული და ძალიან წარმატებით მონაწილეობდა ამ პროცესში. დიდი მადლობა ამისთვის, ბატონო კარლ. ასევე დიდი მადლობა ამერიკის შეერთებული შტატების ელჩს, ქალბატონ კელი დეგნანს მისი ჩართულობისთვის და ყველას დიდი მადლობა ამ დღისთვის",- განაცხადა ირაკლი ღარიბაშვილმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!