მამუკა ხაზარაძე - შარლ მიშელს ვუთხარი, რომ „ლელოსთვის“ წარმოუდგენელი იქნება პარლამენტის სესიებში იმუშაოს, თუ ორი ადამიანი, რომელიც იყო შეთანხმების საგანი, არ გათავისუფლდება

პირდაპირ ვუთხარი, რომ მე, როგორც ქართველს ძალიან შემრცხვება, პრეზიდენტი მიშელი კიდევ ერთხელ ჩამოვიდეს საქართველოში. აქამდეც მრცხვენოდა, რომ ექვსი თვე დასჭირდა ისეთი საკითხების შეთანხმებას, რაც ქვეყნისთვის და ჩვენი მოქალაქეებისთვის არის საჭირო, - ამის შესახებ „ლელო საქართველოსთვის“ ლიდერმა მამუკა ხაზარაძემ პარლამენტში ჟურნალისტებს განუცხადა, სადაც ხელისუფლებისა და შეთანხმების დოკუმენტზე ხელმომწერი ოპოზიციის წარმომადგენლები ევროპის საბჭოს პრეზიდენტს შარლ მიშელს შეხვდნენ.

შეხვედრის დასრულების შემდეგ ჟურნალისტებთან ხაზარაძემ ისაუბრა იმაზე, თუ რა პოზიცია დააფიქსირა პრეზიდენტ მიშელთან პირადად „ლელოს“ სახელით.

„მე მას ვუთხარი, რომ „ლელოსთვის“ წარმოუდგენელი იქნება იმუშაოს პარლამენტის სესიებში, თუ ორი ადამიანი, რომელიც იყო შეთანხმების საგანი, არ იქნებიან გათავისუფლებულები. შეთანხმების პუნქტებში იყო მელიაზე და რურუაზე საუბარი. ვიცით, რომ ერთის შემთხვევაში პრეზიდენტის ჩართულობაა აუცილებელი, რაც ჩვენ მოვისმინეთ და მივესალმებით. იმედია, რომ ეს განხორციელდება. ასევე, ხაზი გავუსვი იმას, რომ როდესაც ქვეყანაში ასეთი პოლიტიკური კრიზისი არის, ეს არ არის მხოლოდ პოლიტიკური პარტიების გადასაწყვეტი, იმიტომ, რომ ამ პოლიტიკური კრიზისის განმუხტვაში თავისი წვლილი უნდა თქვას პროკურატურამ, სასამართლომ და ყველა უწყებამ, რომ ქვეყანა გადაიტვირთოს. ამიტომ, ჩემი პარტიის ეს პოზიცია მას მკაფიოდ დავუფიქსირე. შესაბამისად, ველოდებით, რომ ეს საკითხი გადაწყვეტილი იქნება. თუ ეს საკითხი გადაწყვეტილი არ იქნება, მე ვერ ვხედავ უბრალოდ ამ ხელშეკრულების შესრულების მექანიზმს. პირდაპირ ვუთხარი, რომ მე, როგორც ქართველს ძალიან შემრცხვება, რომ პრეზიდენტი მიშელი კიდევ ერთხელ ჩამოვიდეს საქართველოში. აქამდეც მრცხვენოდა, რომ ექვსი თვე დასჭირდა ისეთი საკითხების შეთანხმებას, რაც ქვეყნისთვის და ჩვენი მოქალაქეებისთვის არის საჭირო. იმედი მაქვს, რომ ძალიან ყურადღებით და პასუხისმგებლობით მოეკიდება ყველა ამ საკითხებს“, - აცხადებს ხაზარაძე.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს