პაატა მანჯგალაძემ და თეონა აქუბარდიამ შეთანხმების დოკუმენტს ხელი მოაწერეს

„სტრატეგია აღმაშენებლის“ წევრები, პაატა მანჯგალაძე და თეონა აქუბარდია ევროკავშირის რეზიდენციაში მივიდნენ, სადაც ევროპის საბჭოს პრეზიდენტის, შარლ მიშელის მიერ შემოთავაზებულ შეთანხმების დოკუმენტს ხელი მოაწერეს.

როგორც პაატა მანჯგალაძემ ჟურნალისტებს განუცხადა, შეთანხმება გამარჯვებისთვის მნიშვნელოვან წინაპირობებს ქმნის.

„აღნიშნული შეთანხმება ცალსახად გამარჯვება არ არის, მაგრამ პირდაპირ შემიძლია ვთქვა, რომ სერიოზულ წინაპირობებს ქმნის გამარჯვებისთვის და იმ რეფორმებისთვის, რომელიც ქვეყანას სჭირდება. ამ შეთანხმებით იყო ჩვენი მედიატორებისგან შემოთავაზება, რომ ხელმოწერა ყოფილიყო და „სტრატეგია აღმაშენებლის“ ხელმოწერასთან ერთად, ინდივიდუალური ხელმოწერა დავაფიქსირე. „ქართული ოცნების“ პირობებში ძალიან ძნელია ხელშეკრულების შესრულებაზე ისაუბრო, ისინი რუსული დიპლომატიასავით ცდილობენ, რომ ყოველთვის ნეგატიური განმარტება გააკეთონ და შეთანხმების პირობები შეცვალონ, მაგრამ ევროპის ჩართულობით მედიაცია და უშუალოდ შარლ მიშელის ჩართულობა, იძლევა იმის გარანტიებს, რომ ეს შეთანხმება უნდა შესრულდეს“, - განაცხადა მანჯგალაძემ.

ჟურნალისტების კითხვაზე, როდის იხილავს მას საზოგადოება პარლამენტში, მანჯგალაძემ უპასუხა, რომ ეს დღეს და ხვალ არ მოხდება.

„პირველი და მთავარი საკითხია ჩვენთვის ნიკა მელიას და პოლიტპატრების გათავისუფლება, შეთანხმების პირობა ითვალისწინებს, რომ ჩვენც უნდა მივიღოთ ამაში მონაწილეობა. უნდა მომზადდეს ამნისტიასთან დაკავშირებით კონკრეტული მუხლები ისე, რომ არავის ღირსება არ შეილახოს“, - განაცხადა მანჯგალაძემ.

დოკუმენტის ხელმოწერის მნიშვნელობაზე ისაუბრა ასევე, თეონა აქუბარდიამ და აღნიშნა, რომ შეთანხმება ხალხს სჭირდება.

„ხელმოწერით კიდევ ერთხელ დავაფიქსირე საკუთარი პოზიცია, რომ მნიშვნელოვანი შეთანხმებაა ქვეყნისთვის, ჩვენი ევროპული და ევროატლანტიკური კურსის მხარდაჭერისა და მისი უზრუნველყოფისთვის. ეს შეთანხმება ხალხს სჭირდება. სწორედ ამიტომ ვფიქრობ, მნიშვნელოვანი იყო ასევე ჩემი ხელმოწერა. ვფიქრობ, ეს უნდა იყოს დასაწყისი სწორედ იმ შეთანხმების შესრულებისთვის. არ ვფიქრობ, რომ ეს მარტივი პროცესი იქნება და „ქართული ოცნება“ იოლად დათმობს, თუმცა ეს შეთანხმება იძლევა მნიშვნელოვან წინაპირობებს საარჩევნო გარემოს გაუმჯობესებისთვის, სასამართლო რეფორმაში მნიშვნელოვანი ცვლილებისთვის, ისევე როგორც მოყვანილია რიგგარეშე არჩევნების წინაპირობები და გზა“, -განაცხადა აქუბარდიამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა