20 ივნისს დაზარალებულმა დემონსტრანტებმა ევროკავშირის წარმომადგენლობის ოფისში წერილი შეიტანეს, სადაც მოითხოვენ, რომ ამნისტია ყველა დარღვევას არ შეეხოს

20 ივნისს დაზარალებულმა დემონსტრანტებმა საქართველოში ევროკავშირის წარმომადგენლობის ოფისში წერილი შეიტანეს. ისინი მოითხოვენ, რომ 19-21 ივნისის მომხდარ ყველა დარღვევას ამნისტია არ შეეხოს და ისე მოხდეს ქვეყნის კრიზისიდან გამოსვლა.

როგორც ერთ-ერთმა დაზარალებულმა ირაკლი ფავლენიშვილმა ჟურნალისტებს განუცხადა, ამნისტია არ უნდა გავრცელდეს იმ ადამიანებზე, რომლებმაც 20 ივნისის ღამეს არაადამიანური მოპყრობა ჩაიდინეს.

„ჩვენ, 20 ივნისის საპროტესტო აქციაზე დაზარალებულებმა ევროკავშირის წარმომადგენლობას მივმართეთ დასახმარებლად, რომ შედგეს ისეთი შეთანხმება და პოლიტიკური კრიზისიდან გამოსვლის ისეთი გზა მოიძებნოს, რომელიც ჩვენს უფლებებს კიდევ ერთხელ არ შელახავს. ჩვენი უფლებები ერთხელ უკვე შეილახა მაშინ, როდესაც სადამსჯელო ოპერაცია ჩაატარა საქართველოს შსს-მ 20 ივნისის ღამეს, ბევრმა ჩვენგანმა ზიანი მიიღო, მათ შორის მაკო გომურმა, გიორგი სულაშვილმა და სხვამ.

ჩვენს დიდ ნაწილს აქვს სასამართლოში საქმეები შეტანილი, როგორც ადგილობრივ ინსტანციებში,ისე ქვეყნის ფარგლებს გარეთ. არ შეიძლება ამნისტია შეეხოთ აღმასრულებლებს და ორგანიზატორებს, რომლებმაც დაგეგმეს და აღასრულეს 20 ივნისის სისხლიანი დღე. ეს არის არაჰუმანური მოპყრობა. როგორც საერთაშორისო სამართლის, ისე ადგილობრივი პრინციპებით არ არის დასაშვები, რომ ამნისტია გავრცელდეს არაადამიანური და არაჰუმანური მოქცევის ჩამდენ პირებზე",-განაცხადა ფავლენიშვილმა.

იხილეთ ვიდეო:19-21 ივნისის აქციის მონაწილე დემონსტრანტებმა ევროკავშირის წარმომადგენლობის ოფისში წერილი შეიტანეს

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება