აზიურ ფაროსანასთან ბრძოლის საკოორდინაციო მართვის ცენტრში მავნებლის საწინააღმდეგოდ დაგეგმილი და მიმდინარე ღონისძიებები თხილის მწარმოებელთა ასოციაციის წევრ ფერმერებთან ერთად განიხილეს. ამის შესახებ ინფორმაციას სურსათის ეროვნული სააგენტო ავრცელებს.

მათი ინფორმაციით, შეხვედრაზე აღინიშნა, რომ მავნებელთან ბრძოლა სახელმწიფო პროგრამის შესაბამისად მიმდინარეობს.

„ფაროსანასთან ბრძოლის პროცესში მეთხილე ფერმერების ჩართულობა და თხილის მწარმოებელთა ასოციაციასთან კოორდინირებული მუშაობა წელსაც პრიორიტეტულია. აქტიურად გრძელდება საინფორმაციო კამპანია, რაც ფერმერების ცოდნის გაღრმავებას გულისხმობს.

ასოციაციაში სახელმწიფოსთან თანამშრომლობას წარმატებულად აფასებენ, რაც 2020 წლის თხილის მოსავლის მაჩვენებლებზეც აისახა. ფერმერები მიმდინარე წელსაც კარგ მოსავალს პროგნოზირებენ“, - აღნიშნულია სურსათის ეროვნული სააგენტოს მიერ გავრცელებულ ინფორმაციაში.