“საყდრისის კომიტეტი“ - თეა წულუკიანმა ნიკოლოზ ანთიძე თანამდებობიდან ერთ-ერთი ვერსიით, გელათის საკითხის გამო გაათავისუფლა

“საყდრისის კომიტეტი“ საგანგებო განცხადებას ავრცელებს და აღნიშნავს, რომ კულტურის მინისტრმა, თეა წულუკიანმა კულტურული მემკვიდრეობის დაცვის ეროვნული სააგენტოს გენერალური დირექტორი, ნიკოლოზ ანთიძე თანამდებობიდან, ერთ-ერთი ვერსიით, გელათის საკითხის გამო გაათავისუფლა.

“საყდრისის კომიტეტი“ მოუწოდებს თეა წულუკიანს, დაუყოვნებლივ შექმნას სამუშაო ჯგუფი და გელათის, ხელოვნების მუზეუმისა და ქართული საგანძურის ბედით დაინტერესების პარალელურად, დაიწყოს საყდრისის წინააღმდეგ ჩადენილი დანაშაულის შესწავლა.

“21 აპრილს საქართველოს კულტურისა და სპორტის მინისტრმა თეა წულუკიანმა თანამდებობიდან გაათავისუფლა კულტურული მემკვიდრეობის დაცვის ეროვნული სააგენტოს გენერალური დირექტორი, ნიკოლოზ ანთიძე. აქამდე უცნობია, რა გახდა ამ საკადრო გადაწყვეტილების ოფიციალური მიზეზი, თუმცა ერთ-ერთი გავრცელებული ვერსიით, ნიკოლოზ ანთიძის თანამდებობიდან გათავისუფლება გელათის საკითხს უკავშირდება.

ვინაიდან ეს გადაწყვეტილება „საყდრისის კომიტეტისთვის“ ქმნის სრულიად ახალ მოცემულობას, მოვუწოდებთ კულტურის მინისტრს გამოიჩინოს გამბედაობა, დაუყოვნებლივ შექმნას სამუშაო ჯგუფი და გელათის, ხელოვნების მუზეუმისა და ქართული საგანძურის ბედით დაინტერესების პარალელურად, დაიწყოს საყდრისის წინააღმდეგ ჩადენილი დანაშაულის შესწავლა“, - აღნიშნულია „საყდრისის კომიტეტის“ განცხადებაში.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს