სერგო ჩიხლაძის განცხადებით, საპარლამენტო საქმიანობაში შესაძლოა, მომდევნო კვირიდან ჩაერთონ

„სტრატეგია აღმაშენებლის“ ერთ-ერთი ლიდერის სერგო ჩიხლაძის განცხადებით, საპარლამენტო საქმიანობაში შესაძლოა, უკვე მომდევნო კვირიდან ჩაერთონ. როგორც ჩიხლაძემ ჟურნალისტებს განუცხადა, ევროპის საბჭოს პრეზიდენტის შარლ მიშელის მიერ შემოთავაზებულ დოკუმენტში გაწერილია ვადები, რომ ერთი კვირის ვადაში პარლამენტში ამნისტის კანონი უნდა იყოს წარდგენილი.

„ვფიქრობ, უკვე შემდეგ კვირაში, რადგან დათქმულია ამ შეთანხმებაში ვადები, ამნისტიის კანონი უნდა იყოს შეტანილი. უკვე დაფიქსირდა, რომ სავარაუდოდ, სამშაბათს შევა უკვე ეს კანონპროექტი და ამ პერიოდიდან „სტრატეგია აღმაშენებელი“ სხვა პარტიებთან ერთად, ვინც დოკუმენტს ხელი მოაწერა, საპარლამენტო საქმიანობაში ჩაერთვება, რომ ისეთი სახით იყოს ამნისტიის კანონი შეტანილი და გატანილი საბოლოო ჯამში, როგორც ჩვენ წარმოგვიდგენია“, - განაცხადა ჩიხლაძემ.

მისივე თქმით, 20 ივნისს აქციაზე დაზარალებულ ადამიანებს შეხვდებიან და რამდენიმე მათგანთან პირადი კომუნიკაცია უკვე იყო. სერგო ჩიხლაძე ასევე განმარტავს, რომ ამნისტიის კანონი არ შეეხებათ იმ ადამიანებს, რომლებმაც 20 ივნისის ღამეს არაადამიანური მოპყრობა ჩაიდინეს.

„დაზარალებულ ადამიანებს აუცილებლად შევხდებით, რამდენიმესთან უკვე გვქონდა კიდეც კონტაქტი. ვის შეეხება და ვის არა, მგონი, ეს ამ დღეების განმავლობაში საკმაოდ კარგად იყო ახსნილი ჩვენ მიერ და სხვა იურისტების მხრიდანაც. ამ მუხლში ვერანაირად ვერ მოხდება ისეთი მძიმე დანაშაულები, როგორიცააა წამება, არადაამიანური მოპყრობა და ა.შ. ფიზიკურად ეს ვერ მოხდება, რადგან ჩვენ საერთაშორისო კონვენციის წევრი ვართ, რომელიც ასეთი მუხლების ამნისტიაში შეტანას უბრალოდ კრძალავს. ასევე ვერ მოხდება თუ სამომავლოდ გამოიკვეთება ვინმეს ბრალეულობა ბრძანების გაცემაზე და ასე შემდეგ, მათ შორის მაღაღი თანამდებობის პირებზე. ამ მუხლში მოხვდება ნიკა მელია, 15-მდე სხვა ადამიანი, ვინც ამ პროტესტში მონაწილეობდა. ერთადერთი კომპრომისი შეიძლება იყოს ის, რომ შესაძლებელია მოხვდეს ის 2 პოლიციელი, რომელიც შედარებით ნაკლები სიმძიმის დანაშაულისთვის არიან პასუხისგებაში მიცემული. ეს არ არიან ის პოლიციელები, ვინც ვინმეს თვალი დათხარა ან ვინმეს ფიზიკური ზიანი მიაყენა“,-განაცხადა ჩიხლაძემ.

რაც შეეხება „ნაციონალური მოძრაობის“ და „ევროპული საქართველოს“ პოზიციას, რომლებსაც ჯერ შეთანხმების დოკუმენტზე ხელი არ მოუწერიათ, სერგო ჩიხლაძე ვარაუდობს, რომ მას შემდეგ, რაც პარტიის თავმჯდომარე ნიკა მელია გათავისუფლდება, დოკუმენტს ხელს „ნაციონალური მოძრაობაც“ მოაწერს.

„ვფიქრობ, ეს პარტიებიც მოაწერენ ხელს. ყოველ შემთხვევაში, „დარწმუნებული ვარ“, რომ „ნაციონალური მოძრაობა“ ხელს მოაწერს, როგორც კი, ამ ამნისტიის კანონით ნიკა მელია გარეთ იქნება, მათ ეს მზაობა აქვთ. შემიძლია ვთქვა, რომ 99%-იანი ალბათობით დოკუმენტს ხელს „ნაციონალური მოძრაობა“ მოაწერს. შესაბამისად, ვფიქრობ, იქნება ძალიან ეფექტური და აქტიური პარლამენტი უკვე სრულფასოვანი შემადგენლობით“,-განაცხადა ჩიხლაძემ.

იხილეთ ვიდეო:

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა