საქართველოში Fintech ფორუმი გაიმართა

USAID - ის ეკონომიკური უსაფრთხოების პროგრამამ ინოვაციების და ტექნოლოგიების სააგენტოსა და საქართველოს ეროვნულ ბანკთან პარტნიორობით, საქართველოში ფინტეკის ეკოსისტემის განვითარების მიზნით, ფინტეკ ფორუმს უმასპინძლა. ამის შესახებ „ინტერპრესნიუსს“ ინოვაციების და ტექნოლოგიების სააგენტოდან აცნობეს.

მათი ინფორმაციით, ღონისძიების ფარგლებში გაიმართა პრეზენტაციები და დიალოგი პროგრამის მიგნებებსა და ეროვნული ბანკის გეგმებზე, ფინტეკის სექტორის განვითარების შესაძლებლობებსა და პოტენციური კოლაბორაციის პლატფორმების/მექანიზმების შეთავაზებებზე.

როგორც ინოვაციების და ტექნოლოგიების სააგენტოში აღნიშნავენ, ფორუმის მიზანია, ქვეყანაში ფინტეკის შესაძლებლობების იდენტიფიცირება, იმისთვის რომ ფინტეკის აქტორებმა განავითარონ ნიშური მიმართულებები გლობალურ ეკოსისტემაში და ამავდროლურად მოხდეს ადგილობრივი ბაზრის ზრდის ხელშეწყობა.

„ფორუმს ესწრებოდნენ კერძო და საჯარო სექტორის წარმომადგენლები, საერთაშორისო და სამთავრობო ორგანიზაციები, ასევე საბანკო-საფინანსო სექტორი, ასოციაციები და ფინტეკის კომპანიები.

USAID - ის ეკონომიკური უსაფრთხოების პროგრამა თანამშრომლობს Fintech– ის კონსულტანტთან, ჩონჩოლ გუფთასთან და კემბრიჯის ბიზნესის სკოლის 5 MBA– ის გუნდის წევრებთან, რომლებმაც იმუშავეს საქართველოში ფინტეკის ინდუსტრიის ამჟამინდელი სტატუსის/მდგომარეობის შესაფასებლად და გასცეს რეკომენდაციები პროცესში ჩართული მხარეებისთვის შესაძლებლობების უფრო ეფექტურად გამოყენებისა და ათვისების მიმართულებით. აღნიშნული სამუშაოების შედეგად გამოვლინდა აშკარა გამოწვევები ფინტეკის ეკოსისტემის სხვადასხვა დაინტერესებულ მხარეებს შორის არაინფორმირებულობისა და დიალოგის სიმცირის კუთხით. შესაბამისად, ფორუმის მიზანია ამ აქტორების გაერთიანება, კავშირების დამყარება და მათ შორის თანამშრომლობის წახალისება, რაც ხელს შეუწყობს საქართველოს ფინტეკის ლანდშაფტზე არსებული გამოწვევების სწრაფ გადაწყვეტას“,-აღნიშნულია ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა