კელი დეგნანი - ბატონი მელიას პირადი გადაწყვეტილებაა, დატოვებს თუ არა ის ციხეს, მაგრამ შეთანხმებაში მისი გათავისუფლების საკითხის მოგვარება შეთავაზებულია

რა თქმა უნდა, ეს ბატონი მელიას პირადი გადაწყვეტილებაა, დატოვებს თუ არა ის ციხეს, მაგრამ შეთანხმებაში შეთავაზებულია ზომები ბატონი მელიას გათავისუფლებისთვის, - ამის შესახებ აშშ-ის ელჩმა საქართველოში კელი დეგნანმა ჟურნალისტებთან საუბარში განაცხადა.

მისი თქმით, ქართულ პოლიტიკურ პარტიებს შორის შეთანხმების მიღწევა მნიშვნელოვანი ნაბიჯია.

„შეთანხმების მიღწევა მნიშვნელოვანი წინგადადგმული ნაბიჯი იყო. ძალიან კმაყოფილი ვარ, რომ პარტიებმა მოახერხეს შეთანხმების მიღწევა, ეს რთული და ხანგრძლივი პროცესი იყო და მოითხოვდა ნამდვილად გამბედაობასა და ლიდერობას მხარეების მხრიდან იმისთვის, რომ წასულიყვნენ კომპრომისებზე, რაც შეთანხმებაშია ასახული. 2019 წლის 20 ივნისის მოვლენები ძალიან მტკივნეული ეპიზოდია მთელი საქართველოსთვის და მნიშვნელოვანია პარტიები შეთანხმდნენ წარმატების მიღწევაზე ამნისტიის კანონთან დაკავშირებით, ამით აღნიშნული მოვლენის გამო პასუხისმგებლობის თავიდან აცილება არ მოხდება, მაგრამ ქვეყანას წინსვლის საშუალებას მისცემს.

რაც შეეხება ბატონ მელიას, რა თქმა უნდა, ეს მისი პირადი გადაწყვეტილებაა, დატოვებს თუ არა ციხეს, მაგრამ შეთანხმებაში შეთავაზებულია ბატონი მელიას გათავისუფლების, ბატონი რურუას გათავისუფლების საკითხის მოგვარება.

მე მიმაჩნია, რომ ეს შეთანხმება ძალიან მნიშვნელოვანია და აძლევს საქართველოს საშუალებას იმ უდიდეს გამოწვევებზე იმუშაოს, რაც ქვეყნის წინაშეა, მათ შორის ეკონომიკის აღდგენა, კოვიდთან გამკლავება და ბევრი სხვა გამოწვევა, რომელსაც სრულად ფუნქციონირებადი პარლამენტი სჭირდება,“- აღნიშნა ელჩმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა