თამარ ჟვანია საკმაოდ კომპეტენტურია და საარჩევნო პროცესებს კარგად უძღვებოდა, - ამის შესახებ საპარლამენტო უმრავლესობის წევრმა, გურამ მაჭარაშვილმა ჟურნალისტებთან განაცხადა, რითაც უპასუხა კითხვას, ცესკოს რეფორმირების პარალელურად, უნდა გადადგეს თუ არა თამარ ჟვანია.

მაჭარაშვილის თქმით, შეთანხმება ჟვანიას გადადგომას არ ითვალისწინებს და ამ საკითხზე გადაწყვეტილება თავად ჟვანიას მისაღებია.

„მისი თანამდებობიდან გადადგომის საკითხი ნამდვილად არ არის არც შეთანხმების აქტში და არც ოპოზიციის საქმე. მთავარია, რომ ცესკო-ს ფორმირება ისე მოხდება, როგორც ეს შეთანხმებაში წერია,“ - განაცხადა მაჭარაშვილმა.