ვახტანგ კალოიანი - ეპიდემიოლოგიური ვითარება რთულდება, მოსალოდნელია საკმაოდ მძიმე კვირები

ეპიდემიოლოგიური ვითარება რთულდება, იზრდება ინფიცირებულ პაციენტთა რაოდენობა, სამწუხაროდ, მოსალოდნელია საკმაოდ მძიმე კვირები, - ამის შესახებ ’’ევროპული საქართველოს’’ მდივანმა ჯანდაცვის საკითხებში ვახტანგ კალოიანმა ბრიფინგზე განაცხადა.

როგორც კალოიანი აღნიშნავს, ქვეყანაში თავისუფალი საწოლების რაოდენობა მცირდება.

“ეპიდემიოლოგიური ვითარება რთულდება, იზრდება ინფიცირებულ პაციენტთა რაოდენობა, სამწუხაროდ, მოსალოდნელია საკმაოდ მძიმე კვირები, რაც გამოიხატება ჰოსპიტალურ სექტორზე ზეწოლაში.

მცირდება თავისუფალი საწოლების რაოდენობაც. იმედია, ჯანდაცვის სამინისტრო დროულად გააკეთებს საწოლების მობილიზებას და ისევ არ გავივლით იმ დრამატულ თვეებს, როგორიც იყო ნოემბერ-დეკემბერში.

ძალიან მნიშვნელოვანია ინტენსიური საწოლების დროული მობილიზება, აღჭურვის კიდევ ერთხელ გადამოწმება და კოორდინირება ოჯახის ექიმს, 112-ს და ჰოსპიტალურ სექტორს შორის, რათა მოვახერხოთ ყველა ინფიცირებული მძიმე პაციენტის დროული ჰოსპიტალიზაცია და დახმარების აღმოჩენა.

სამწუხაროდ, ამ თვეების განმავლობაში გარკვეული ინფრასტრუქტურული გაუმჯობესების გარდა, სისტემური გაუმჯობესების მიმართულებით, ჯანდაცვის სამინისტრომ არ გადადგა ნაბიჯები. ეს სასიცოცხლოდ მნიშვნელოვანია იმ ჩავარდნილი ვაქცინაციის პროცესის ფონზე, რომელიც სახეზე გვაქვს“, - აცხადებს კალოიანი.

იხილეთ ვიდეო:ვახტანგ კალოიანი - ეპიდემიოლოგიური ვითარება რთულდება, მოსალოდნელია საკმაოდ მძიმე კვირები

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა