თბილისის სახელმწიფო სამედიცინო უნივერსიტეტის პროფესორის, იმუნიზაციის მრჩეველთა ეროვნული ტექნიკური ჯგუფის ხელმძღვანელის, ივანე ჩხაიძის ინფორმაციით, ვაქცინაციის პროცესში სამხედროებიც ჩაერთვებიან.

როგორც მან „ინტერპრესნიუსთან“ საუბრისას განაცხადა, ვაქცინაციის პროცესში სამხედროების ჩართვასთან დაკავშირებით იმუნიზაციის საბჭო მომავალ კვირას იმსჯელებს.

„იმუნიზაციის საბჭოზე გადაწყვეტილებას მინისტრი მიიღებს, სავარაუდოდ იმ კვირაში იქნება“,- აცხადებს ჩხაიძე.