“საქართველოს მედიატორთა ასოციაცია“ ევროკავშირისა და აშშ-ს ჩართულობით დასრულებული მედიაციის პროცესზე განცხადებას ავრცელებს

„საქართველოს მედიატორთა ასოციაცია“ ქართულ საზოგადოებას მიმდინარე პოლიტიკური მედიაციის საბოლოო შეთანხმებით დასრულებას ულოცავს და აღნიშნავს, რომ შეთანხმება საქართველოს უსაფრთხო მომავლის საუკეთესო ინტერესებს ემსახურება.

როგორც „საქართველოს მედიატორთა ასოციაციის“ განცხადებაშია აღნიშნული, 19 აპრილის სამედიაციო შეთანხმებამ ცხადყო რომ, მედიაცია დავის გადაწყვეტის უალტერნატივო საშუალებაა.

„ამ ისტორიულ პროცესში მნიშვნელოვანი ფუნქცია - მედიატორობა იტვირთეს საქართველოს სტრატეგიულმა პარტნიორებმა - ევროკავშირის და ამერიკის შეერთებული შტატების სახით, რისთვისაც, როგორც სახელმწიფოებრივად მოაზროვნე პროფესიონალთა გაერთიანებამ, გვსურს მათ დიდი მადლობა გადავუხადოთ მედიატორთა პროფესიის სახელით, ჩვენი ქვეყნის ხვალინდელი განვითარების საქმეში ლომის წვლილის შეტანისთვის.

პროცესმა, რომელმაც 6 თვეზე მეტ ხანს გასტანა, ბევრი რამ დაანახა საზოგადოებას, მათ შორის მედიაციის საკვანძო ასპექტები, კერძოდ:

მედიაციაში არ ხდება შეცდომებისა და ბრალის დადგენა - მედიაცია მომავალზე ორიენტირებული პროცესია;

მედიაცია კონფიდენციალური პროცესია. მედიაციის მიმდინარეობის შესახებ ინფორმაციის საჯარო სივრცეში გაჟღერება მხარეთა შეთანხმების საგანია;

მედიაციას, არ ჰყავს დამარცხებული მხარე;

„კომპრომისი“ პირობითია და რაიმე საკითხზე აზრისა თუ მიდგომის შეცვლა, როდესაც ეს უფრო მნიშვნეწლოვან ინტერესს ემსახურება, მხარეთა სიძლიერის მაჩვენებელია.

მნიშვნელოვანია, რომ ყველასთვის სარგებლიანი შეთანხმება ევროპული მედიაციით საბოლოოდ შედგა, რითაც კიდევ ერთხელ ხაზგასმით დადასტურდა, რომ მედიაციას არც-ერთ შემთხვევაში აქვს ალტერნატივა და ყოველთვის მოაქვს ორმხრივად სასურველი შედეგი.

აღვნიშნავთ, რომ დღეს ყველა პირობაა შექმნილი საქართველოში, რათა მედიაცია გახდეს უალტერნატივო დავის გადაწყვეტის მექანიზმი მოქალაქეებისთვის: მიღებულია კანონი მედიაციის შესახებ, რომელიც 2020 წელს შევიდა ძალაში, კანონის საფუძველზე შექმნილია პროფესიული ასოციაცია, რომელიც ახორციელებს მედიატორების პროფესიული და ეთიკური სტანდარტების დანერგვას, პილოტირებულია სასამართლო მედიაციის ცენტრები, კანონით შექმნილია კერძო (არასასამართლო) მედიაციის ყველა გარანტია. ახლა მნიშვნელოვანია საზოგადოებამ გაიგოს და მოქალაქეებმა საკუთარ თავზე გამოსცადონ მედიაციის სიკეთე და უპირატესობები.

ამ მხრივ, მედიატორთა ასოციაცია იმედოვნებს, რომ სახელმწიფო იქნება სამაგალითო მოქალაქეებისთვის და პირველ რიგში, სწორედ სახელმწიფო ინსტიტუტები დაიწყებენ მედიაციის დანერგვას როგორც შიდა (სახელმწიფო სტრუქტურებში არსებული შიდა შრომითი თუ სხვა) დავების, ისე გარე (მესამე პირებთან) ურთიერთობისას წარმოშობილი დავების ეფექტიანად გადასაწყვეტად.

19 აპრილის სამედიაციო შეთანხმებამ ცხადყო რომ, მედიაცია არის დავის გადაწყვეტის უალტერნატივო საშუალება. ვიმედოვნებთ, რომ სახელმწიფო გააგრძელებს საქართველოს მედიატორთა ასოციაციის მხარდაჭერას, რაც მნიშვნელოვანია ასოციაციის ორგანიზაციული მდგრადი განვითარების, მედიაციის შესახებ ცნობადობის ამაღლებისთვის და მედიატორის პროფესიის ეფეტური ინსტიტუციონალიზაციის გზაზე“, - აღნიშნულია „საქართველოს მედიატორთა ასოციაციის“ განცხადებაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება