ამირან გამყრელიძის განცხადებით, აცრებზე ყველაზე მეტი მიმართვიანობა თბილისშია

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის, ამირან გამყრელიძის განცხადებით, აცრებზე ყველაზე მეტი მიმართვიანობაა თბილისში, თუმცა, სხვა რეგიონებში ვაქცინაციასთან დაკავშირებით მოსახლების აქტიურობა დაბალია. ამირან გამყრელიძემ რუსთავში გამართულ ბრიფინგზე აღნიშნა, რომ ამის ერთ-ერთი მიზეზი არასაკმარისი საკომუნიკაცია კამპანიაა.

„ამას ბევრი მიზეზი აქვს. ერთ-ერთი მიზეზია ის, რომ ზოგადად, როცა ახალი ვაქცინა ინერგება, გარკვეული რეზისტენტობა მოსახლეობაში არის და ის არის ახალი. მეორე, არასაკმარისია საკომუნიკაცია კამპანია, რასაც ვაწარმოებთ. ამიტომ ვართ აქ, რომ ეს გავაძლიეროთ და ადგილობრივ ხელისუფლებას მეტი დახმარება ვთხოვოთ. მესამე, მოგეხსენებათ, სამწუხარო შემთხვევა მოხდა აცრების დაწყებიდან მესამე-მეოთხე დღეს ახალციხეში, ამან დიდი გავლენა იქონია მთლიანად აცრის პროცესზე. ისევ და ისევ საკომუნიკაციაო კამპანია, მეტი ახსნა-განმარტება და მუშაობა მოსახლეობასთან“,-განაცხადა გამყრელიძემ.

მისი თქმით, ქვეყანაში პოლიტიკურ-ეკონომიკური სიტუაცია არ იძლევა საშუალებას, რომ მკაცრი „ლოკდაუნი“ გამოცხადდეს.

„ჩვენს მეზობელ თურქეთს 19:00 საათიდან აქვს ღამის კარანტინი. იგივე აქვს ცენტრალური ევროპის ბევრ ქვეყანას, მაგრამ ისინი ეკონომიკურად ბევრად განვითარებული ქვეყნები არიან და შეუძლიათ. სამწუხაროდ, დღეს ქვეყანაში ზოგადი სიტუაცია, პოლიტიკურ-ეკონომიკური არ იძლევა საშუალებას, რომ ძლიერი და მკაცრი „ლოკდაუნი“ გამოვაცხადოთ“,-განაცხადა გამყრელიძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა