იაგო ხვიჩია - მოლაპარაკება შემდგარია, შეთანხმება მიღწეულია და ამის შემდეგ ციხეში ჯდომა პოლიტპატიმრობა არ არის

მოლაპარაკება შემდგარია, შეთანხმება მიღწეულია და ამის შემდეგ ციხეში ჯდომა პოლიტპატიმრობა არ არის, გამძლეობაში ვარჯიშია, - ამის შესახებ „გირჩის" ერთ - ერთმა ლიდერმა, იაგო ხვიჩიამ ჟურნალისტებთან განაცხადა.

მისი თქმით, „ლელოს" მცდელობას, კიდევ ერთი გზა იპოვოს მელიას გარეთ გამოსაყვანად, მხოლოდ მიესალმება, თუმცა, განსხვავება არ არის ევროკავშირი თავდებად ჩაუდგება მელიას, თუ გირაოს გადაუხდის.

„ევროკავშირი თავდებად ჩაგიდგება, თუ გირაოს გადაგიხდის, პრინციპულად ერთი და იგივე საკითხია. ორივე საპატიოა და ორივეს უნდა დაეთანხმო. არ მესმის, პირველის არდათანხმების ამბავი, მეორე თუ გამოვა და ევროპარლამენტარები დაეთანხმებიან, იქნება გზა და იმედია, ეს გზა მაინც იქნება წარმატებული, ნებისმიერი გზა, რომელიც ნიკა მელიას გარეთ აღმოაჩენს, მისასალმებელია, რა თქმა უნდა, თუ თვითონ უნდა გარეთ გამოსვლა.

ჩემი აზრით, მოლაპარაკება შემდგარია, შეთანხმება ძირითად პუნქტებზე მიღწეულია და ამის შემდეგ ციხეში ჯდომა პოლიტპატიმრობა არ არის, ამის შემდეგ ციხეში ჯდომა გამძლეობაში ვარჯიშია - რამდენი ხანი გავძლებ ციხეში, მაგრამ პოლიტიმრობასთან კავშირი არ გააჩნია მას შემდეგ, რაც ევროკავშირი გიხდის გირაოს, რომ გარეთ გამოხვიდე,"- განაცხადა ხვიჩიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა