„გუშინ ტელეკომპანია „ტვ პირველის" ეთერში, კიდევ ერთხელ მოვისმინეთ მალხაზ მაჩალიკაშვილის მიერ, წინა თვეებში გაკეთებული მცდარი და უსაფუძვლო განცხადება, თითქოს ჩემი ძმა რაიმე შემხებლობაშია მასთან, - ამის შესახებ პარლამენტის თავმჯდომარე არჩილ თალაკვაძემ განაცხადა.

მისი თქმით, პიროვნება, რომელსაც მალხაზ მაჩალიკაშვილი მედიასთან საჯაროდ ასახელებს, არც მისი ძმაა, არც ოჯახის წევრი და არც ნათესავი.

„სახელიც კი არასწორად არის ნახსენები, რადგან ჩემი ძმის სახელია არა გელა, არამედ ავთანდილი.

მედიასაშუალებებს, რომელთაც მისი განცხადება გადაუმოწმებლად გაავრცელეს, ვთხოვ, შემდეგი შესაძლებლობისთანავე ამ დეზინფორმაციას ნათელი მოჰფინონ",- განაცხადა არჩილ თალაკვაძემ.