სასკოლო კონკურსის „ეკოგმირი” გამარჯვებულები გამოვლინდნენ

დედამიწის დღესთან დაკავშირებით, „მზიურის პარკში“, პროექტის “დავიცვათ საქართველოს სისუფთავე” ფარგლებში ჩატარებული სასკოლო კონკურსის „ეკოგმირი“ და გარემოსდაცვით საკითხებზე შექმნილი ესეების კონკურსის გამარჯვებულთა დაჯილდოების ცერემონია გაიმართა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, აღნიშნული კონკურსების მიზანია, რაც შეიძლება მეტი ყურაღება დაეთმოს გარემოსდაცვით საკითხებს, წახალისდნენ როგორც მოსწავლეები, ისე მასწავლებლები აქტივობების დაგეგმვასა და განხორციელებაში. დაჯილდოების ცერემონია გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა გახსნა.

სამინისტროს ცნობით, პირველ ადგილზე ქ.თბილისის #120 საჯარო სკოლის I კლასის მოსწავლეების ჯგუფი- „ნორჩი ეკოლოგები“ გავიდნენ.

“ყოველი დღე უნდა იყოს დედამიწის დღე, ვინაიდან გარემოზე ზრუნვა, ბიომრავალფეროვნებაზე ზრუნვა და რაც ყველაზე მნიშვნელოვანია, საზოგადოების ცნობიერების ამაღლება ამ მიმართულებით, არის ჩვენი მთავარი ამოცანა. ასეთი ნაბიჯებით ჩვენ შევძლებთ, საზოგადოება ჩავრთოთ ამ პროცესებში. გარემოს დაცვისა და სოფლის მეურნეობის სამინისტრო აქტიურად მუშაობს ნარჩენების მართვის, ცირკულარული ეკონომიკის გაძლიერების მიმართულებით. 2021 წლის დედამიწის დღის მთავარი თემაა „აღვადგინოთ ჩვენი დედამიწა”. აუცილებელია, ყველამ საკუთარი წვლილი შეიტანოს მის დაცვაში. ესაა დღე, როდესაც მთელი მსოფლიო კიდევ ერთხელ უსვამს ხაზს დედამიწის, როგორც ჩვენი საერთო სახლის მნიშვნელობას“, - განაცხადა სოლომონ პავლიაშვილმა.

სამინისტროს ინფორმაციით, ღონისძიების ფარგლებში, ფოტოგრაფ ლევან ქაშიბაძის პროექტის „PHOTO SMOG” პრეზენტაცია გაიმართა, რომელიც აერთიანებს სპეციალურად ამ დღისთვის შექმნილი ფოტოების სერიას და ინსტალაციას გარემოს დაბინძურების და ნარჩენების თემაზე.

პროექტი შვედეთის მთავრობის ფინანსური უზრუნველყოფით, ორგანიზაციის “დავიცვათ საქართველოს სისუფთავე” მიერ, გარემოს დაცვისა და სოფლის მეურნეობის სამინისტროს, ადგილობრივ და საერთაშორისო პარტნიორებთან ერთად ხორციელდება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა