მეუფე ნიკოლოზი - რაც ჭყონდიდის ეპარქიაში ხდება, არის სირცხვილი - რა საქციელია, რა მანერებია, რა ზრდილობაა, რა ქრისტიანობაა, არ ვიცი

რაც ჭყონდიდის ეპარქიაში ხდება დღეს, ეს არის სირცხვილი, - ამის შესახებ მეუფე ნიკოლოზმა სალხინოს ტაძარში მომხდარის კომენტირებისას, ჟურნალისტებს განუცხადა.

მისი თქმით, სამარცხვინოა, როგორც იქცევიან ადამიანები, ვინც თავიანთ თავს მორწმუნეებს უწოდებენ.

როგორც მეუფე აღნიშნავს, მრისხანება ადამიანს აზიანებს, თუმცა, შემდეგ "სინანულში მოჰყავს".

"დღევანდელ დღეს უფალი დიდებით შევიდა იერუსალიმში და სხვათაშორის, ბევრ ადამიანს არ მოსწონდა და ეუბნებოდნენ, რას შვები, როგორც ღმერთს ისე მოგმართავენო და იესომ უპასუხა, ესენი რომ გაჩუმდნენ, ქვები დაიწყებენ ღაღადსო. რაც ჭყონდიდის ეპარქიაში ხდება დღეს, ეს არის სირცხვილი, სამარცხვინო საქციელია, როგორ იქცევიან ადამიანები, ვინც თავიანთ თავს მორწმუნეებს უწოდებენ. ეს რა საქციელია, რა მანერებია, რა ზრდილობაა, რა ქრისტიანობაა, მე არ ვიცი. ვინ სად წაიკითხა წიგნში ასეთი რამე. მე მინდა დაგარწმუნოთ ყველანი, რომ აუცილებლად დალაგდება ყველაფერი, მოწესრიგდება", - განაცხადა მეუფე ნიკოლოზმა.

ცნობისთვის, მარტვილში, ღვთისმშობლის შობის ტაძრის ეზოში, ბზობის დღესასწაულთან დაკავშირებით, საზეიმო წირვის დაწყებამდე სიტყვიერი და ფიზიკური დაპირისპირება იყო. სასულიერო პირების ნაწილმა, რომელიც ჭყონდიდელ მიტროპოლიტ, მეუფე სტეფანეს არ ემორჩილება, ტაძარში ადგილობრივი ბიზნესმენის კლიმენტი კეკუტიას გამოჩენა გააპროტესტეს, შემდეგ კი მეუფე სტეფანეს ტაძრის შესასვლელთან დახვდნენ. მეუფე სტეფანე ტაძარში პოლიციის დახმარებით შევიდა. მომხდარზე შსს-მ გამოძიება 126-ე მუხლით დაიწყო, რაც ცემას გულისხმობს.

იხილეთ ვიდეო:“რაც ჭყონდიდის ეპარქიაში ხდება, არის სირცხვილი! რა საქციელია, რა მანერებია, რა ზრდილობაა, რა ქრისტიანობაა, არ ვიცი“ - მეუფე ნიკოლოზი

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს