ანა ნაცვლიშვილი - ამოცანაა შეთანხმების შესრულება, მაგრამ რაზეც შევთანხმდებით ვერ და არ იქნება ისეთი შინაარსის, რომელიც დაზარალებულების ღირსებას და უფლებებს გადააბიჯებს

ჩვენი ამოცანა არის შეთანხმების შესრულება, მაგრამ ის, რაზეც შევთანხმდებით ვერ და არ იქნება ისეთი შინაარსის, რომელიც გადააბიჯებს დაზარალებულების ღირსებას და უფლებებს, ეს მიუღებელია და პარლამენტს ამის უფლება არ აქვს , - ამის შესახებ „ლელოს“ ერთ-ერთმა ლიდერმა ანა ნაცვლიშვილმა ამნისტიის კანონპროექტთან დაკავშირებით ჟურნალისტებს განუცხადა.

მისი განმარტებით, ამნისტია ვერ გავრცელდება იმ ადამიანებზე, რომლებმაც 20 ივნისის ღამეს ადამიანებს თვალები დათხარეს.

„ჩვენთვის პრინციპული მნიშვნელობის საკითხია, რომ ის ადამიანები, ვინც დაასახიჩრა და ძალიან დიდი ტრავმა მიაყენა 20 ივნისის აქციის მონაწილეობს და რომელთა მოქმედებებიც არის როგორც საქართველოს კონსტიტუციით, ასევე ადამიანის უფლებათა ევროპული კონვენციით და საერთაშორისო სამართლით აკრძალული, მათზე საერთოდ გავრცელდეს ამნისტია. მათზე ამნისტია ვერ გავრცელდება. ვრცელდება არასწორი ინფორმაციები, რაც კიდევ უფრო დამატებით ახდენს დაზარალებულების ტრავმირებას. დეზინფორმაციის გავრცელებას ყველა უნდა მოვერიდოთ. ადამიანებმა, რომლებმაც თვალები დათხარეს აქციის მონაწილეებს, მათზე ვერანაირი ამნისტია ვერ გავრცელდება, უფრო მეტიც, ამ შეთანხმების ერთ-ერთი მთავარი ამოცანა არის ის, რომ ერთხელ და სამუდამოდ ეს ქვეყანა დაადგეს სამართლის უნეზაესობის გზას, აქეთკენ უნდა ვიაროთ. როცა ასეთი ქვეყანა გვექნება, დღევანდელი ვითარებიდან განსხვავებით, როდესაც 2 წელია გასული და ფაქტობრივად დაზარალებულებთან მიმართებით მართლმსაჯულება არ აღსრულებულა, როდესაც ნორმალური პროკურატურა და სასამართლო გვეყოლება, მართლმსაჯულება აღსრულდება. მანამდე თვალდამთხრელების ამნისტირებას არავინ აპირებს, ეს არის ტყუილი“, - განაცხადა ნაცვლიშვილმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები