ბადრი ჯაფარიძე - ამნისტია ვერ და არ გავრცელდება პირებზე, რომლებიც შესაძლოა, სხეულის განზრახ მძიმე დაზიანების უკან იყვნენ - დაზარალებულის თანხმობა ყველა შემთხვევაში საჭირო იქნება

„ლელოს“ ერთ-ერთი ლიდერის ბადრი ჯაფარიძის განცხადებით, ამნისტიის შესახებ კანონპროექტი არ და ვერ შეეხებათ იმ ადამიანებს, რომლებმაც „20 ივნისს ადამიანებს თვალები დათხარეს“ ან სხვა არაადამიანური მოპყრობა ჩაიდინეს.

როგორც მან ჟურნალისტებს განუცხადა, აღნიშნულ საკითხთან დაკავშირებით დეზინფორმაციები ვრცელდება.

"საქართველოში არსებული პრაქტიკიდან გამომდინარე, ამნისტიის შესახებ კანონი ეხება იმ მუხლებს, რომლის მიხედვითაც აღძრულია სისხლის სამართლებრივი დევნა და არიან მსჯავრდებულები, სხვა მუხლებზე არ ვრცელდება ამნისტიის კანონი, არასდროს გავრცელებულა და არც ამ შემთხვევაში გავრცელდება. შესაბამისად, ერთი მუხლია, რომლის მიხედვითაც, პოლიციელების წინააღმდეგ სისხლის სამართლებრივი დევნა მიმდინარეობს, ეს არის უფლებამოსილების გადამეტება. ამავდროულად, დაზარალებული პირების თანხმობა გავრცელებული პრაქტიკაა საქართველოში ამნისტიის კანონის ფარგლებში, ზუსტად ანალოგიური კანონი იქნა მიღებული "ქართული ოცნების" პირობებში, ამნისტიის შესახებ, რომელიც დაზარალებულის თანხმობას გულისხმობდა იმისთვის, რომ გავრცელდეს ამნისტია ამა თუ იმ პირზე. ასე რომ, ჩვენ გამოვალთ ამ პრინციპებიდან, რომელიც საქართველოშია დამკვიდრებული, საერთაშორისო პრაქტიკაშია, საერთაშორისო კონვენციებს არ ეწინააღმდეგება და არ ეწინააღმდეგება საქართველოს კონსტიტუციას. ამიტომ, ამნისტია ვერ და არ გავრცელდება იმ პირებზე, რომლებიც შესაძლოა, სხეულის განზრახ მძიმე დაზიანების უკან იყვნენ. მაგალითად, მაკო გომურის შემთხვევა, არის რიგი ადამიანების შემთხვევები და მათზე ვერ გავრცელდება. ძალიან სამწუხაროა, რომ ასეთ დეზინფორმაციას ავრცელებენ. თუ არსებობს კონკრეტული დაზარალებული. შესაბამისად, დაზრალებულის თანხმობა ყველა შემთხვევაში საჭირო იქნება, სხვაგვარად ეს დისკრიმინაციული მიდგომა იქნება“,- განაცხადა ჯაფარიძემ.

რაც შეეხება „ნაციონალური მოძრაობის“ თავმჯდომარის, ნიკა მელიას გასათავისუფლებლად თავდებობას, ბადრი ჯაფარიძე აცხადებს, რომ 5 ევროპარლამენტარი ამისთვის მზად არის.

„5 ევროპარლამენტარი ამისთვის უკვე მზად არის. თუმცა, მოგეხსენებათ, ეს ისეთი თემაა, რომელიც მოითხოვს მათი მხრიდან ფორმალობების გარკვევას და ისინი ამ პროცესში არიან, მაგრამ პრინციპული თანხმობა განაცხადეს“,-განაცხადა ჯაფარიძემ.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით