ანრი ოხანაშვილი - როცა ადამიანი მოლაპარაკებისას მხარესთან კონკრეტულ პოზიციას იცავს, ის არის მხარე და არა სხდომის ნეიტრალური სპიკერი
როცა ადამიანი მოლაპარაკებისას მხარესთან კონკრეტულ პოზიციას იცავს, ის არის მხარე და არა სხდომის ნეიტრალური სპიკერი, - ეს განცხადება “ქართული ოცნების“ დეპუტატმა ანრი ოხანაშვილმა ჟურნალისტებთან , პარლამენტის თავმჯდომარის პოსტიდან არჩილ თალაკვაძის გადადგომის თაობაზე დასმული კითხვის პასუხად განაცხადა.
“პარლამენტის ნეიტრალური თავმჯდომარე ნიშნავს ნეიტრალურს - ამაზე მეტს, რაც ითქვა, ვერ გეტყვით“, - განაცხადა ოხანაშვილმა.
პარლამენტის თავმჯდომარის პოსტიდან გადადგომის თაობაზე არჩილ თალაკვაძემ გუშინ განაცხადა. მას ამ თანამდებობაზე კახა კუჭავა შეცვლის, რომელიც მეათე მოწვევის პარლამენტში ვიცე-სპიკერის პოსტს იკავებდა. სწორედ ვიცე-სპიკერის თანამდებობაზე აირჩევენ ახლა უკვე ყოფილ თავმჯდომარეს არჩილ თალაკვაძეს.
