ირაკლი ქადაგიშვილი - მისი გამოცდილებიდან და პიროვნული თვისებებიდან გამომდინარე, კახა კუჭავა ისეთივე წარმატებული თავმჯდომარე იქნება, როგორც არჩილ თალაკვაძე იყო

საპარლამენტო უმრავლესობის წევრის, ირაკლი ქადაგიშვილის განცხადებით, ლოგიკურია ის განმარტება, რაც არჩილ თალაკვაძეპარლამენტის თავმჯდომარის პოსტიდან გადადგომის თაობაზე გააკეთა.

„ის იყო და არის ჩვენი გუნდის გამორჩეული ლიდერი. ის ახსნა-განმარტება, რაც მან გააკეთა, სავსებით ლოგიკურია. ის იყო აქტიური მხარე დაძაბული მოლაპარაკებისა. პოლიტიკური პროცესის დროს, როდესაც დღეს პარლამენტში თვისობრივად შეიცვალა მდგომარეობა და ოპოზიციის ნაწილი შემოსულია, უმჯობესად ჩაითვალა, რომ თავმჯდომარე ყოფილიყო ამ პროცესისგან უფრო დისტანცირებული ადამიანი“, - განაცხადა ქადაგიშვილმა.

ქადაგიშვილი ასევე გამოეხმაურა პარლამენტის თავმჯდომარედ კახა კუჭავას კანდიდატურის წარდგენას და აღნიშნა, რომ კუჭავა საკუთარი გამოცდილებიდან და პიროვნული თვისებებიდან გამომდინარე, ისეთი წარმატებული თავმჯდომარე იქნება, როგორც არჩილ თალაკვაძე იყო.

„კუჭავა პარლამენტის ნდობას აუცილებლად მოიპოვებს. იქნება კარგი თავმჯდომარე. ის არის კვალიფიციური პარლამენტარი, გამოცდილი პოლიტიკოსი, საპარლამენტო ცხოვრების დიდი გამოცდილება აქვს - ორ კომიტეტს ხელმძღვანელობდა, იყო ვიცე-სპიკერი. მისი გამოცდილებიდან და პიროვნული თვისებებიდან გამომდინარე, ისეთი წარმატებული თავმჯდომარე იქნება, როგორც არჩილ თალაკვაძე იყო”,- განაცხადა ქადაგიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს