კავკასიის საერთაშორისო უნივერსიტეტი პროექტი „ბიზნეს ინკუბატორის“ მეორე ნაკადის მიღებას იწყებს

კავკასიის საერთაშორისო უნივერსიტეტი პროექტი „ბიზნეს ინკუბატორის“ მეორე ნაკადის მიღებას იწყებს. ამის შესახებ „ინტერპრესნიუსს“ კავკასიის საერთაშორისო უნივერსიტეტიდან აცნობეს.

უნივერსიტეტის ინფორმაციით, „ბიზნეს ინკუბატორის“, პროექტის მიზანია სტუდენტებში პრაქტიკული უნარ-ჩვევების განვითარება და მეწარმეობის წახალისება.

„როგორ უნდა მართო წარმატებული ბიზნესი? შეიძინო განათლება ამ მიმართულებით? იქნებ თეორიული ცოდნის მიღების პარალელურად იმდენივე დოზით პრაქტიკის კომპონენტიცაა საჭირო? კავკასიის საერთაშორისო უნივერსიტეტი ბიზნესის ფაკულტეტის სტუდენტებს სწორედ მეორე მიდგომით ამზადებს: ფაკულტეტზე პროფესიონალი, გამოცდილი და მაღალკვალიფიციური პროფესორ-მასწავლებლები ასწავლიან; სწავლის პარალელურად კი ფაკულტეტის ბაზაზე მოქმედებს „ბიზნეს ინკუბატორი“, პროექტი, რომლის მიზანიც სტუდენტებში პრაქტიკული უნარ-ჩვევების განვითარება და მეწარმეობის წახალისებაა“,- აღნიშნულია ინფორმაციაში.

„ბიზნეს-ინკუბატორი CIU-ს შედარებით ახალი პროექტია. იგი 2019 წელს შეიქმნა. „მისი წყალობით სტუდენტებს შესაძლებლობა ეძლევათ, ჩამოიყალიბონ პრაქტიკული უნარ-ჩვევები, ასევე ისწავლონ საკუთარი იდეების შემუშავება, ანალიზი, კონკრეტულ ქმედებებში ასახვა, ბიზნეს-გეგმის შემუშავება და განხორციელება და სხვა“,- აღნიშნა CIU ბიზნეს ინკუბატორის ხელმძღვანელმა, მარიკა კლდიაშვილმა.

CIU-ს ცნობით, ინკუბაციის პროცესი შემდეგ ეტაპებს მოიცავს: პირველ რიგში ყალიბდება სტუდენტური გუნდები; შემდეგ ირჩევა ბიზნეს იდეები და დგება ბიზნეს გეგმები; მენტორის მეთვალყურეობის ქვეშ სხვადასხვა ტიპის პრაქტიკული აქტივობები ტარდება, გარდა ამისა, სტუდენტებს ევალებათ პოტენციური კომპანიის ბრენდ ელემენტების შექმნაც.

მათივე ინფორმაციით, თუკი პირველი ბიზნეს ინკუბატორი მხოლოდ ბიზნესის ფაკულტეტის სტუდენტებისთვის ჩატარდა, წელს პროექტის ხელმძღვანელებმა ეს წესი შეცვალეს და CIU-ს ყველა ფაკულტეტისა და საფეხურის სტუდენტს მასში მონაწილეობის საშუალება მიეცა.

„ჩვენ ეს გადაწყვეტილება მივიღეთ იქიდან გამომდინარე, რომ სხვა ფაკულტეტებზეც გვაქვს პოტენციალი იმისა, რომ სტუდენტების ნაწილი მეწარმეობის, ბიზნესის კუთხით განვითარდეს, მაგალითად, მევენახეობა-მეღვინეობის ფაკულტეტის სტუდენტები“,- განაცხადა CIU-ს ბიზნესის ფაკულტეტის დეკანმა, ირმა ბარათაშვილმა.

უნივერსიტეტის ცნობით, პირველმა ინკუბატორმა სამი გუნდი გამოუშვა. ფინალისტებმა ფულადი საჩუქრები უნივერსიტეტის პარტნიორი კომპანიისგან იდეის შემდგომი განვითარებისთვის მიიღეს.

„ამიტომაც, ჩვენ ვერ ვიტყვით, რომ ეს არის მხოლოდ სასწავლო პროცესი და ინკუბატორს მხოლოდ თეორიის პრაქტიკაში გამოცდის შესაძლებლობები აქვს. არავითარ შემთხვევაში. ცხადია, ასეც არის, თუმცა ძირითადად, სტუდენტებისთვის მოტივაციაა ის, რომ მათ შეუძლიათ თავიანთი საოცნებო იდეები რეალურ პროექტებად აქციონ და ამაში უნივერსიტეტი ხელს ძალიან უწყობს“,- აღნიშნა ბარათაშვილმა.

პროექტის ხელმძღვანელის, მარიკა კლდიაშვილის განცხადებით, 2021 წლის მოვლენებმა განსაკუთრებით კარგად დაგვანახა ყველას ახალი იდეების, პრობლემების ახლებურად გადაჭრის გზების მნიშვნელოვანება. მისი თქმით, ბიზნეს ინკუბატორის ტიპის პროექტები ხელს უწყობს მომავალ მეწარმეებს და სტუდენტებს, დაინახონ და შეამჩნიონ შესაძლებლობები იქ, სადაც სხვები მხოლოდ პრობლემებს ხედავენ.

„ახალგაზრდებს ვურჩევდი უწყვეტ რეჟიმში გარემოს და მომხმარებლის საჭიროებების ანალიზს, პროტოტიპირების ტექნიკის გამოყენებასა და რისკების საპასუხოდ სამოქმედო გეგმის შემუშავებას. ბევრი წარმატებული კომპანიის საიდუმლო - მუდმივი განვითარება, ადაპტაცია გარემოებებზე და პარალელურად რისკების კონტროლი. და რა თქმა უნდა - გუნდი - კვალიფიცირებული, მოტივირებული, თვითორგანიზებული, ორიენტირებული ზრდასა და განვითარებაზე“,- აღნიშნა მარიკა კლდიაშვილიმა.

„„ბიზნეს ინკუბატორის“ პროექტში დარეგისტრირება 27 აპრილამდეა შესაძლებელი. პროექტის შესახებ უფრო მეტი ინფორმაციის სანახავად იხილეთ ბმული.“,-ნათქვამია ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს