სოფლის მეურნეობის სახელმწიფო ლაბორატორიას აშშ-ის თავდაცვის საფრთხის შემცირების სააგენტოს (DTRA) წარმომადგენელი ეწვია

სოფლის მეურნეობის სახელმწიფო ლაბორატორიის დირექტორი ირაკლი გულედანი, აშშ-ის თავდაცვის საფრთხის შემცირების სააგენტოს (DTRA) საქართველოს ოფისის ხელმძღვანელთან, მარგო შილდსთან ერთად, სოფლის მეურნეობის სახელმწიფო ლაბორატორიის ქ. ქუთაისის და ქ. ახალციხის ზონალურ-დიაგნოსტიკურ ლაბორატორიებში იმყოფებოდა. ირაკლი გულედანმა სტუმარს მიმდინარე სამუშაო პროცესი და ლაბორატორიული დიაგნოსტიკის შესაძლებლობები გააცნო. ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს.

მათივე ინფორმაციით, ლაბორატორიებში გამართულ სამუშაო შეხვედრებზე, მხარეებმა ის სამუშაოები შეაჯამეს, რომელსაც სოფლის მეურნეობის სახელმწიფო ლაბორატორია თავდაცვის საფრთხის შემცირების სააგენტოსთან ერთად ახორციელებს. საუბარი შეეხო სამომავლო გეგმებსაც, მათ შორის, თავდაცვის საფრთხის შემცირების სააგენტოს (DTRA) მხარდაჭერას სამეცნიერო და კვლევითი პროექტების განხორციელების მიმართულებით.

„სოფლის მეურნეობის სახელმწიფო ლაბორატორია აქტიურად თანამშრომლობს საერთაშორისო და დონორ ორგანიზაციებთან, ამ თანამშრომლობის შედეგად კი, სახეზეა მნიშვნელოვანი წინსვლა. მოხარულები ვართ, რომ თავდაცვის საფრთხის შემცირების სააგენტო (DTRA) აგრძელებს სოფლის მეურნეობის სახელმწიფო ლაბორატორიასთან თანამშრომლობას და ჩვენს მხარდაჭერას”, - განაცხადა სოფლის მეურნეობის სახელმწიფო ლაბორატორიის დირექტორმა, ირაკლი გულედანმა.

აშშ-ის თავდაცვის საფრთხის შემცირების სააგენტოს (DTRA) საქართველოს ოფისის ხელმძღვანელთან, მარგო შილდსთან გამართულ სამუშაო შეხვედრებს ქ. ქუთაისში, ქუთაისის ზონალურ-დიაგნოსტიკური ლაბორატორიის უფროსი გოჩა დუდუჩავა, ქ. ახალციხეში, ახალციხის ზონალურ-დიაგნოსტიკური ლაბორატორიის უფროსი ნაირა ტაბატაძე ესწრებოდნენ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება