„ნაციონალური მოძრაობის“ ერთ-ერთი ლიდერის, ლევან ბეჟაშვილის განცხადებით, პარლამენტის თავმჯდომარის პოსტიდან არჩილ თალაკვაძის გადადგომა „შიდა კლანურ“ დაპირისპირებას უკავშირდება.
როგორც ბეჟაშვილმა ჟურნალისტებთან საუბრისას აღნიშნა, „ქართული ოცნება“ დაშლის პირასაა და თვითმმართველობის არჩევნები „ბოლოს მოუღებს“.
„ყველა კარგად ვხვდებით, რომ მიმდინარეობს „ქართული ოცნების“ ჩამოშლა. ეს გუნდი დაპირისპირებულია შიდა კლანურად და თალაკვაძის გადადგომა პარლამენტის თავმჯდომარედ არჩევიდან 6 თვის თავზე სწორედ ამის დამადასტურებელია. მიმდინარეობს კლანების დაპირისპირება, შიდა ბრძოლა, ამიტომ კუჭავა იქნება, თუ სხვა პირი შეცვლის თალაკვაძეს, „ქართული ოცნება“ დაშლის პირასაა და თვითმმართველობის არჩევნები ამას ბოლოს მოუღებს”, - აღნიშნა ლევან ბეჟაშვილმა.