საერთაშორისო რესპუბლიკური ინსტიტუტის (IRI) ოფისში ,,ქართული ოცნების” წევრების, ევროპული საბჭოს პრეზიდენტის შარლ მიშელის მიერ წარდგენილ დოკუმენტზე ხელმომწერი ოპოზიციური პარტიებისა და პარლამენტის არჩეული წევრების შეხვედრა მიმდინარეობს.
,,ქართული ოცნების” მხრიდან შეხვედრას ესწრებიან პარლამენტის ადამიანის უფლებათა კომიტეტის თავმჯდომარე მიხეილ სარჯველაძე, იურიდიულ საკითხთა კომიტეტის თავმჯდომარე ანრი ოხანაშვილი და საპარლამენტო უმრავლესობის წევრი შალვა პაპუაშვილი.
შეხვედრის ძირითად განსახილველ თემას ამნისტიის შესახებ კანონპროექტი წარმოადგენს, რომლის ინიცირებაც საკანონმდებლო ორგანოში ხვალ უნდა მოხდეს.