ანრი ოხანაშვილი - ერთი ადამიანის „ხუშტური“, ვერ გადაწონის ვერცერთ შეთანხმებას - იკვეთებიან ჯგუფები, რომლებსაც შეთანხმების აღსრულების ჩაშლა სურთ

ერთი ადამიანის „ხუშტური“, ვის, რა, როგორ მოუნდება, ვერ გადაწონის ვერცერთ შეთანხმებას, - ამის შესახებ უმრავლესობის წევრმა ანრი ოხანაშვილმა ოპოზიციურ პარტიებთან შეხვედრის შემდეგ განაცხადა, რითაც „ნაციონალური მოძრაობის“ თავმჯდომარის, ნიკა მელიას განცხადება შეაფასა, რომელიც მზად არის, ამნისტიის შესახებ კანონპროექტის გაწვევის შემთხვევაში, ევროკავშირის მხრიდან გირაოს გადახდას დაეთანხმოს.

ოხანაშვილის შეფასებით, იკვეთებიან ჯგუფები, რომლებსაც ხელისუფლებასა და ოპოზიციის ნაწილს შორის მიღწეული შეთანხმების აღსრულების ჩაშლა სურთ.

„კანონპროექტი შეთანხმებულ ვადაში დაინიცირდება, რათა შეთანხმება შესრულდეს. რა დათქმაც იყო შარლ მიშელის ეგიდით წარმართული დოკუმენტიდან გამომდინარე, ეს ზედმიწევნით მოხდება. აქედან გამომდინარე, ცოტა უფრო მეტ ინფორმაციას ხვალ გაიგებთ. ჩვენ ევროკავშირთან ჩვენი ქვეყნის უკეთეს მომავალზე შევთანხმდით. ერთი ადამიანის „ხუშტური“, ვის, რა, როგორ მოუნდება, ვერ გადაწონის ვერცერთ შეთანხმებას. აქედან გამომდინარე, ხვალ უფრო მეტ ინფორმაციას გაიგებთ.

სამწუხაროდ, საქართველოში არიან რადიკალური ოპოზიციური ჯგუფები, რომლებიც ცდილობდნენ ზედმიწევნით ჩაეშალათ შეთანხმება. ახლა ასევე იკვეთებიან ჯგუფები, რომლებსაც შეთანხმების აღსრულების ჩაშლა სურთ. ჩვენი პასუხი და პოზიციაა, რომ შეთანხმების და ევროპული ღირებულებების ერთგული ვრჩებით. ყველა პუნქტი, რომელზეც პასუხისმგებლობა ვიკისრეთ, უნდა შესრულდეს“, - განაცხადა ოხანაშვილმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს