გიორგი გახარიას პოლიტიკური გუნდი რეგიონებში, „ქართული ოცნების“ მხრიდან მათ მხარდამჭერებზე ზეწოლაზე საუბრობს.
სპეციალური განცხადება ამ თემაზე პარლამენტის პლენარულ სხდომაზე უმრავლესობიდან გასულმა დეპუტატმა გიორგი ხოჯევანიშვილმა გააკეთა.
„აუცილებლად უნდა შევეხო ძალიან მნიშვნელოვან საკითხს და იმ მართლაც სამარცხვინო ქმედებას, რომელსაც ადგილი ჰქონდა რეგიონებში ჩემი და ჩემი კოლეგების, გახარიას გუნდის მხარდამჭერების მიმართ - ზეწოლის ფაქტებს. ყველამ უნდა გაითვალისწინოს, რომ საჯარო მოხელეების და საკრებულოს წევრების მიმართ დამოკიდებულების ის ფორმა, რაც აირჩია „ქართულმა ოცნებამ“, არ მუშაობს! მე უბრალოდ ვეტყოდი მათ, ვინც ასეთ დავალებებს გასცემს და ასრულებს, რომ ეს გზა და მეთოდები წარსულში ნაცადია, ეს წარსულს უნდა ჩაბარდეს და უფრო მეტიც, სიკეთეს ნამდვილად ვერ მოგიტანთ. მინდა გავამხნევო ჩვენი თანამოაზრეები და ვუთხრა მათ, რომ გუშინდელი და გუშინწინდელი დღეები წარსულში დარჩება და ჩვენ წავალთ წინ!“, - განაცხადა ხოჯევანიშვილმა პარლამენტის სხდომაზე სიტყვით გამოსვლისას.