მიხეილ დაუშვილი - მოქალაქეების კეთილდღეობა დაკავშირებულია სახელმწიფოს მიერ მეწარმეების მხარდაჭერაზე, ახალი სტიმულირების პაკეტების შემუშავებაზე, ინვესტიციების მოზიდვაზე

გასული წლის განმავლობაში კერძო სექტორის მხარდაჭერის და სტიმულირების მნიშვნელოვანი პროგრამები განხორციელდა, თუმცა დღეისათვის ეს მხარდაჭერის პროგრამები თითქმის დასრულდა - აშკარაა, რომ კერძო სექტორის, განსაკუთრებით კი მცირე და საშუალო მეწარმეების ეკონომიკური მდგომარეობა უარესდება, - ამის შესახებ საპარლამენტო უმრავლესობიდან გასულმა დეპუტატმა მიხეილ დაუშვილმა პარლამენტში პლენარულ სხდომაზე განაცხადა.

მისი განმარტებით, მოქალაქეების კეთილდღეობა პირდაპირ არის დაკავშირებული სახელმწიფოს მიერ მეწარმეების მხარდაჭერაზე, ახალი სტიმულირების პაკეტების შემუშავებაზე და ინვესტიციების მოზიდვაზე.

„ჩემმა თანაგუნდელებმა ძალიან სწორად აღნიშნეს, რომ დღეს ჩვენს მოქალაქეებს ყველაზე მეტად აწუხებთ ქვეყანაში არსებული ეკონომიკური კრიზისი, დასაქმება, სიღარიბე და დამძიმებული სოციალური პირობები. ამ გამოწვევებზე საპასუხოდ უმნიშვნელოვანესია ეკონომიკის სწრაფი აღდგენა, რა თქმა უნდა, კერძო სექტორის მხარდაჭერის გზით. სწორედ კერძო სექტორის სიძლიერე განაპირობებს ჩვენი მოქალაქეებისთვის ღირსეული სოციალური პირობების შექმნას. გასული წლის განმავლობაში კერძო სექტორის მხარდაჭერის და სტიმულირების მნიშვნელოვანი პროგრამები განხორციელდა. თუმცა დღეისათვის ეს მხარდაჭერის პროგრამები თითქმის დასრულდა. აშკარაა, რომ კერძო სექტორის, განსაკუთრებით კი მცირე და საშუალო მეწარმეების ეკონომიკური მდგომარეობა უარესდება. ლარის გაუფასურება და შესაბამისად ფასების ზრდა ჩვენი მოქალაქეების და მეწარმეების გაღარიბებას იწვევს. არსებული კოვიდვითარება ყოველდღიურად მძიმდება და შესაბამისად ბიზნეს და საინვესტიციო გარემო უფრო არაპროგნოზირებადი ხდება და კრიზისის ფონზე უმნიშვნელოვანესია ხელისუფლების მხრიდან კერძო სექტორის სტიმულირება, რასაც, სამწუხაროდ, ჩვენ ვეღარ ვხედავთ.

ჩვენი მოქალაქეების კეთილდღეობა პირდაპირ არის დაკავშირებული სახელმწიფოს მიერ მეწარმეების მხარდაჭერაზე, ახალი სტიმულირების პაკეტების შემუშავებაზე, ინვესტიციების მოზიდვაზე. ისმის კითხვა, რას აკეთებს დღეს ხელისუფლება ეკონომიკის აღდგენისთვის, რა გეგმა გაქვთ კერძო სექტორის, განსაკუთრებით კი მცირე და საშუალო მეწარმეების მხარდაჭერისთვის და სტიმულირებისთვის, მარტო ხომ არ ტოვებთ მძიმე ეკონომიკური გამოწვევების წინაშე? სწორედ ესენია უმნიშვნელოვანესი კითხვები, რომლებიც ჩვენს მოქალაქეებს და მეწარმეებს გააჩნიათ“, - განაცხადა დაუშვილმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!