ზურაბ ჯაფარიძე - არანაირი კრიზისი განმუხტული არაა - კრიზისი იმაზე არ იყო დამოკიდებული პარლამენტის დარბაზში ვინმე შემოვიდოდა თუ არა

არანაირი კრიზისი განმუხტული არ არის - კრიზისი იმაზე არ იყო დამოკიდებული პარლამენტის პლენარულ სხდომათა დარბაზში ვინმე შემოვიდოდა თუ არა - ეს საერთოდ არაფერს ცვლის, - ეს განცხადება პარლამენტის პლენარულ სხდომაზე “გირჩი - მეტი თავისუფლების“ ლიდერმა ზურაბ ჯაფარიძემ გააკეთა.

“მთავარი კრიზისი არის იმაში, რომ ამ ქვეყანაში ადამიანებს, პირველ რიგში კი, ახალგაზრდებს აღარ აქვთ რწმენა იმისა, რომ შეიძლება ღირდეს დარჩენა და ცხოვრება. ყველა გაქცევაზეა! ეს არის მთავარი კრიზისი. ვიდრე ადამიანებს იმედი არ გაუჩნდებათ, რომ ამ ქვეყანაში შეიძლება რაღაც გამოვიდეს, აქ ცხოვრება ღირს, მანამ ეს კრიზის დაძლეული არ იქნება. ორი პარლამენტარი შემოვა თუ ოცდაორი, ეს არაფერს შეცვლის“, - განაცხადა ზურა ჯაფარიძემ.

მისივე შეფასებით, შარლს მიშელის დოკემენტზე ხელმოწერის შემდეგ, მოქმედ პარლამენტს ერთადერთი ფუნქცია აქვს - შეასრულოს ის, რაც ხელმოწერილ ტექსტში წერია და ქვეყანა მომდევნო არჩევნებისთვის მოამზადოს, ხოლო როგორც კი ამას გააკეთებს, ჯაფარიძის თქმით, მეათე მოწვევის პარლამენტის ფუნქცია ამოიწურება.

“გვინდა-არ გვინდა შემოდგომის ადგილობრივი არჩევნები რეფერენდუმად იქცა. რეფერენდუმზე უნდა გაირკვეს, ვის ექნება ახალი ლეგიტიმაცია და ვინ ექნება შესაძლებლობა, ახალი ლეგიტიმაციით რეფორმები გაატაროს“, - აღნიშნა ზურაბ ჯაფარიძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება