ბადრი ჯაფარიძის განცხადებით, ნიკა მელიამ ევროკავშირის მხრიდან გირაოს გადახდის შესაძლებლობა უნდა გამოიყენოს, რადგან ეს მის მიმართ მხარდაჭერის ჟესტია

“ლელოს” ერთ-ერთი ლიდერის ბადრი ჯაფარიძის განცხადებით, ნიკა მელიამ უნდა გამოიყენოს ევროკავშირის მხრიდან გირაოს გადახდის შესაძლებლობა, რადგან ეს მის მიმართ მხარდაჭერის ჟესტია.

ამასთან, როგორც ჯაფარიძემ ჟურნალისტებს პარლამენტში განუცხადა, ოპოზიციის წარმომადგენლების მხრიდან შარლ მიშელის დოკუმენტში გაწერილი პუნქტების განხორციელება აუცილებელია, რათა შეთანხმებიდან არ გავიდნენ.

“ის, რაც შარლ მიშელის დოკუმენტში წერია, აუცილებელია განხორციელდეს ჩვენ მიერ, რათა არ ჩაითვალოს, რომ შეთანხმებიდან გავედით. რაც შეეხება მელიას განცხადებას, ამას მივესალმები და კარგი იქნება, თუ ეს მოხდება, იმიტომ, რომ ვფიქრობ, ეს არ არის მხოლოდ გირაო, ეს არის ევროკავშირის მიერ გამოხატული მისი მხარდაჭერის ჟესტი და ეს აუცილებლად უნდა იყოს გამოყენებული ნიკას მიერ”,- განაცხადა ჯაფარიძემ.

რაც შეეხება ამნისტიის შესახებ კანონს, როგორც ჯაფარიძე აღნიშნავს, ამნისტიის კანონით გამორიცხული უნდა იყოს ადამიანების ჯანმრთელობის მძიმე დამზიანებლების და ამის შესახებ ბრძანების გამცემი პირების ამნისტირება.

“ვცდილობთ, რომ “ქართული ოცნება” დავითანხმოთ იმაზე, რომ მიიღოს ძალიან შეზღუდული სივრცე და საერთოდ არ დავტოვოთ ამნისტიის კანონში შესაძლებლობა იმისა, რომ გამორიცხული იყოს იმ ადამიანების ამნისტირება, რომლებიც შესაძლოა იყვნენ დამნაშავეები ჩვენი თანამოქალაქეების ჯანმრთელობის მძიმე ზიანის მიყენებაში, ასევე შეიძლება იყვნენ დამანაშავეები უკანონო ბრძანების გაცემაში. სხვა შემთხვევაში, ამნისტიის კანონს ჩვენი მხარდაჭერა არ ექნება”,- განაცხადა ჯაფარიძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია