მოძრაობამ „წინსვლა“ „ევროპული საქართველოს“ ოფისთან აქცია გამართა. აქციის მონაწილეები სამი ოპოზიციური პარტიის - "ევროპული საქართველოს", „ლეიბორისტული პარტიის" და "ნაციონალური მოძრაობის"მიერ შარლ მიშელის მომზადებულ დოკუმენტზე ხელის არ მოწერას აპროტესტებენ.

აქციის მონაწილეების თქმით, აღნიშნული სამი ოპოზიციური პარტია თავიდანვე ცდილობდა, რომ არ შემდგარიყო შეთანხმება ოპოზიციასა და ხელისუფლების წარმომადგენლებს შორის.

აქციის მონაწილეებმა პერფორმანსი გამართეს და "ევროპული საქრთველოს" ოფისთან ყვავილები მიიტანეს. მათი თქმით, ისინი ამ ფორმით პარტიას სამძიმარს უცხადებენ იმასთან დაკავშირებით, რომ პარტია ლიდერებმა დატოვეს.

მოძრაობა "წინსვლას” წევრები, ახლა "ლეიბორისტული პარტიის“ ოფისისკენ მიემართებიან, შემდეგ კი "ნაციონალური მოძრაობის" ოფისთან მივლენ.