მამუკა ხაზარაძე - ეს არის გალაწუნება „ქართული ოცნებისთვის" - ევროპარლამენტარები და ევროკავშირის ფონდები დამნაშავეებს გირაოს არ უხდიან, მიხარია, რომ ნიკამ ეს გადაწყვეტილება მიიღო

ეს არის გალაწუნება „ქართული ოცნებისთვის" - ევროპარლამენტარები და ევროკავშირის ფონდები დამნაშავეებს გირაოს არ უხდიან, მიხარია, რომ ნიკამ ეს გადაწყვეტილება მიიღო, - ამის შესახებ ჟურნალისტებთან „ლელოს" ლიდერმა, მამუკა ხაზარაძემ განაცხადა, რითაც ნიკა მელიას განცხადებას გამოეხმაურა იმის თაობაზე, რომ მზად არის ევროკავშირის გირაო მიიღოს, თუ ამნისტიის კანონპროექტს გაიწვევენ.

თუმცა, როგორც ხაზარაძე განმარტავს, გირაო მხოლოდ წინაპატიმრობიდან დახსნის მექანიზმია, შემდგომი გზა, იმისთვის, რომ მელიას პატიმრობა აღარ შეეხოს, ამნისტიაა.

ნიკა მელიას გირაოს საკითხი იყო ის საკითხი, რომელის მას გამოუშვებდა წინასწარი პატიმრობიდან, მაგრამ ეს არ მოუხსნიდა მას იმ პოლიტიზირებულ ბრალდებას, რომელიც „ქართულმა ოცნებამ" მას წაუყენა. გამომდინარე იქიდან, რომ ნიკა მელიამ დროში ცოტა დააგვიანა მიღება ევროპარლამენტარების შემოთავაზებისა და ჩვენი პოზიცია იყო, რომ ევროპარლამენტარების გირაო, ეს იქნებოდა და არის გალაწუნება „ქართული ოცნებისთვის“, რადგან ევროპარლამენტარები და ევროკავშირის ფონდები დამნაშავეებს გირაოს არ უხდიან, ეს იქნება კიდევ ერთი დიდი ლუსტრაცია და მიხარია, რომ ნიკამ ეს გადაწყვეტილება მიიღო, მაგრამ ეს არის მხოლოდ წინაპატიმრობიდან დახსნის მექანიზმი, შემდგომი გზა, რომ მას პატიმრობა არ შეეხოს, არის ამნისტია და ეს არის ხელშეკრულებაში ჩადებული. ამნისტიის და ნებისმიერი პუნქტის ამოღება იმ 5 - პუნქტიანი ხელშეკრულებიდან უნდა მოხდეს, თუ ასეთი საკითხი დადგა, მხოლოდ და მხოლოდ მედიატორების გადაწყვეტილებით,"- განაცხადა ხაზარაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს