ირაკლი კობახიძე - დაზარალებულის თანხმობის ჩადება ამნისტიაში, შეიძლება სასპეკულაციო გახდეს - სამართალდამცავების წარმომადგენელთაგან ვინც მიიღო  დაზიანებები, ყველა დაზარალებულია მელიას მხრიდან

დაზარალებულის თანხმობის ჩადება ამნისტიაში, შეიძლება სასპეკულაციო გახდეს - ვინც არიან დაზარალებულები, პრაქტიკულად, მელიას მიერ არიან დაზარალებულები, - ამის შესახებ პარტია "ქართული ოცნების" თავმჯდომარე ირაკლი კობახიძემ ჟურნალისტებთან განაცხადა.

როგორც მან აღნიშნა, ამ პრინციპის ჩადება ამნისტიის პროექტში მიზანშეწონილი არ იქნება, თუმცა, საკითხთან დაკავშირებით მხარეები იმსჯელებენ.

"რაც შეეხება დაზარალებულის თანხმობას, ჩვენ ვფიქრობთ, რომ ეს შეიძლება სასპეკულაციო თემა გახდეს. როცა საუბარია მელიას მიმართ ბრალზე, ამას ჰყავს უამრავი დაზარალებული. ყველაფერი დაიწყო მელიას მოწოდებით შტურმთან დაკავშირებით და ყველა დანარჩენი ვინც არის დაზარალებული, პრაქტიკულად მელიას დაზარალებულები არიან. წარმოიდგინეთ, ამით ახალი სპეკულაციისთვის უნდა გავხსნათ საფუძველი, როცა მოვითხოვთ დაზარალებულის თანხმობას. მგონი, არ არის მიზანშეწონილი ამის გაკეთება, შესაბამისად, სჯობს, ალბათ ეს არ ჩაიწეროს. თუმცა, დამატებით ვიმსჯელებთ ყველასთან, თუ ვინმე დაგვარწმუნებს, რომ ან ასე სჯობს, ან ისე,"- განაცხადა კობახიძემ.

კითხვაზე, მელიას საქმესთან დაკავშირებით, აქვთ თუ არა ვინმეს დაზარალებულის სტატუსი, კობახიძე ამბობს, რომ აქვთ.

"მე როგორც ვიცი, ორივე მხარეს, პირებს აქვთ დაზარალებულის სტატუსი. სამართალდამცავი ორგანოების წარმომადგენელთაგან ვინც მიიღო დაზიანებები, ყველა არის დაზარალებული მელიას მხრიდან, მე ასე ვიცი, გამომდინარე იქიდან, რომ შტურმი პარლამენტზე დაიწყო მელიას მოწოდების საფუძველზე. შესაბამისად, ვინც დაზარალდა ყველა არის დაზარალებული,"- განაცხადა კობახიძემ.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“