გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ ინფორმაციას კომპანიის პრესსამსახური ავრცელებს.

„ქსელის გეგმური სარეაბილიტაციო სამუშაოების გამო, 28 აპრილს 10:00-დან 16:00 საათამდე, ელექტროენერგიის მიწოდება შეეზღუდება აბონენტებს მცხეთის რაიონის სოფლებში წეროვანი, ჩარდახი, გოროვანი, სხალტბა, საგურამო, ახალსოფელი და მიმდებარე სოფლებში;

10:00-დან 14:00 საათამდე აბონენტებს დუშეთის რაიონის სოფლებში ლუთხუბი, გამსი, კიტოხი, ბაკურხევი, ბოსელი, ჩუგუნიაანი, პირმისაანი და მიმდებარე სოფლებში. სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება“,-აღნიშნულია ინფორმაციაში.