ვეტერანებმა სამშობლოსათვის დაღუპული გმირების უკვდავსაყოფად გამწვანების აქციაში მიიღეს მონაწილეობა

საქართველოს „მეტყევეთა კავშირის ინიციატივით" და ვეტერანების საქმეთა სახელმწიფო სამსახურის მხარდაჭერით, თბილისის ზღვის მიმდებარედ, საქართველოს ტერიტორიული მთლიანობისთვის ბრძოლებში დაღუპული მებრძოლების პატივსაცემად გამწვანების აქცია ჩატარდა. ტერიტორიაზე 150 ძირი ხე დაირგო. ამის შესახებ „ინტერპრესნიუსს“ ვეტერანების საქმეთა სახელმწიფო სამსახურიდან აცნობეს.

მათი ინფორმაციით, აქციაში, ომისა და თავდაცვის ძალების ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, უწყების თანამშრომლებმა და სტუდენტებმა მიიღეს მონაწილეობა.

„საქართველოს მეტყევეთა კავშირის, ვეტერანების საქმეთა სახელმწიფო სამსახურის და ახალგაზრდების ორგანიზებით, თბილისის ზღვაზე, ფერდობზე გამწვანებითი სამუშაოები მიმდინარეობს. ამ ყველაფრის ფუძემდებელია ბესო ყველაშვილი, მადლობა მინდა ვუთხრა მას. ამ ქვეყანაში ყველაფერი, რაც კეთდება და გაკეთდება, მომავალზეა ორიენტირებული. მომავალი კი ისეთი რამეა, რომელიც გმირების და ერის შვილების მაგალითით უნდა იზრდებოდეს", - განაცხადა კობა კობალაძემ.

როგორც საქართველოს მეტყევეთა კავშირის თავმჯდომარემ, ბესო ყველაშვილმა განაცხადა, აქციის ფარგლები, მთელი ქვეყნის მასშტაბით, 5000-მდე ნერგი დაირგვება.

„საქართველოს ტერიტორიული მთლიანობისთვის დაღუპული გმირების საპატივცემულოდ უნდა დავრგოთ 5000 ძირი ნერგი, რომელიც იქნება „საქართველოს მეტყევეთა კავშირის" მოვლა-პატრონობით.

დღეს, ვეტერანების საქმეთა სახელმწიფო სამსახურთან ერთად, 150 ძირი ნერგი დაირგო, აქედან, 100 ცაცხვია და 50 იფანი. ამით გამოვხატავთ ჩვენ პატივისცემას. აქცია საქართველოს მთელ ტერიტორიაზე გაგრძელდება. იმედი გვაქვს, ნერგებს მალე სოხუმშიც დავრგავთ", - განაცხადა ბესო ყველაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება