ხათუნა სამნიძე - მინდა გიორგი რურუას და მის ოჯახს მივულოცო - დღეს ერთი მნიშვნელოვანი პუნქტი შესრულდა

„რესპუბლიკური პარტიის“ ლიდერმა ხათუნა სამნიძემ „მთავარი არხის“ დამფუძნებლის გიორგი რურუას ოჯახს მისი შეწყალება მიულოცა და პარტნიორებს მხარდაჭერისთვის მადლობა გადაუხადა. როგორც სამნიძემ აღნიშნა, დღეს ხელისუფლებასა და ოპოზიციის ნაწილს შორის მიღწეული შეთანხმებიდან ერთი მნიშვნელოვანი პუნქტი შესრულდა.

„მინდა მადლობა ვუთხრა ჩვენს ევროპელ და ამერიკელ პარტნიორებს, მათი დაუღალავი შრომით და ამ ქვეყნის მხარდაჭერითა და სიყვარულით მივაღწიეთ იმას, რომ არცერთ რთულ ეტაპებზე მათ ამ პროცესში ხელი არ ჩაუქნევიათ და მიგვიყვანეს იქამდე, რომ შევთანხმებულიყავით. მინდა ჩემს ოპოზიციონერ კოლეგებს, ყველას მადლობა ვუთხრა, ვინც ამ რთულ გზაზე არცერთ ეტაპზე იმედი არ დაკარგა, რომ ჩვენ შევძლებდით ერთობლივად მიგვეღწია დოკუმენტის ხელმოწერისთვის.

ყველა ეტაპზე უპირობო მოთხოვნა იყო, რომ გათავისუფლებულიყო ორი პოლიტიკური პატიმარი, რომელსაც დღესაც არ უწოდებს „ქართული ოცნება“ პოლიტიკურ პატიმარს, მაგრამ ჩვენმა ევროპელმა და ამერიკელმა პარტნიორებმა დაადასტურეს საკუთარი ჩართულობით და ამ საკითხზე დაუღალავი შრომით, რომ სამწუხაროდ, ამ ქვეყანაში პოლიტიკური პატიმრები გვყავს. დღეს ჩვენ ვნახეთ, რომ ერთი ადამიანი უკვე თავისუფალია. მინდა პირველ რიგში ეს გიორგი რურუას და მის ოჯახს მივულოცო. ის აღდგომას საკუთარ ოჯახის წევრებთან ერთად შეხვდება და ამ დღესასწაულებზე სახლში იქნება. მინდა მადლობა ვუთხრა თითოეულ მოქალაქეს, ვინც ამ პროცესს ნდობით უყურებს. ამ ქვეყანაში უამრავი ადამიანია, ვისაც სჯერა, რომ ჩვენი პრინციპული პოზიციით, ჩვენი მოთხოვნით, რომ ვითანამშრომლოთ და არა ვებრძოლოოთ ერთმანეთს, ოპონირების რეჟიმში, მაგრამ არა მტრობის, შევძლოთ და შევასრულოთ ხელმოწერილი დოკუმენტის ყველა პუნქტის შესრულება. დღეს ერთი მნიშვნელოვანი პუნქტი შესრულდა“,-განაცხადა სამნიძემ.

ცნობისთვის, საქართველოს პრეზიდენტმა სალომე ზურაბიშვილმა გიორგი რურუას შეწყალების აქტს ხელი მოაწერა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!