იაგო ხვიჩია - “ქართულ ოცნებას” დაახლოებით ასეთი პოზიცია აქვს, რომ ამნისტია შეეხოს როგორც ერთ, ასევე მეორე მხარეს, მაგრამ არ შეეხოს ადამიანებს, რომლებმაც ჯანმრთელობის მძიმე დაზიანება მიაყენეს აქციის მონაწილეს ან გასცეს ბრძანება

“გირჩის” ერთ-ერთი ლიდერის იაგო ხვიჩიას განცხადებით, “ქართული ოცნების” პოზიციაა, რომ ამნისტია 20 ივნისის საქმის ორივე მხარეს შეეხოს, თუმცა არა იმ ადამიანებს, რომლებმაც ჯანმრთელობის მძიმე დაზიანება მიაყენეს, რომელიმე მონაწილეს ან გასცეს ასეთი ბრძანება.

ამასთან, როგორც ხვიჩია აღნიშნავს, ოპოზიციას გარკვეული შენიშვნები აქვს, თუმცა მხარეების პოზიციები მსგავსია და მხოლოდ ტექნიკური ხასიათის დეტალებზე კამათობენ.

“მხარეები ცვლიან პოზიციებს. რომ გითხრათ, კატასტროფას ველოდები, რომ “ქართული ოცნება” ჯალათების შეწყალებას აპირებს, მათ ასეთი წინადადება არ დაუყენებიათ. ოპოზიციასაც აქვს მსგავსი წინადადება და ტექნიკურ დეტალებზე კამათობენ. ზოგი მათგანი მე ვერ გავიგე, მაგრამ, არ მგონია, რომ პოზიციებში დიდი განსხვავება იყოს.

“ქართულ ოცნებას” აქვს დაახლოებით ასეთი პოზიცია, რომ ამნისტია შეეხოს როგორც ერთ, ასევე მეორე მხარეს, მაგრამ არ შეეხოს იმ ადამიანებს, რომლებმაც ჯანმრთელობის მძიმე დაზიანება მიაყენეს რომელიმე მონაწილეს ან გასცეს ასეთი ბრძანება. ოპოზიციას აქვს შენიშვნები, მაგრამ, ჩემი აზრით, ასეც რომ გავიდეს “ქართული ოცნების” პოზიცია და ოპოზიციის შენიშვნები ბოლომდე არ იქნას გათვალისწინებული, არ მგონია ტრაგედია იყოს.

თვითონ “ქართული ოცნება” ტესტს ატარებს თავის თავზე, რომ შერიგების ნაწილი ამორალური არ იყოს. მაგალითად, “ქართული ოცნების” წარმომადგენლები ამბობენ, რომ ჩვენ რომ მაკო გუმური მოგვიყვანოთ და გვკითხოს, იწყალებთ თუ არა იმას, ვინც ეს ზიანი მომაყენა, ცხადია, ჩვენ ამას არ ვიზამთ”,- განაცხადა ხვიჩიამ.

ცნობისთვის, პარლამენტში 20 ივნისის აქციასთან დაკავშირებულ ამნისტიის პროექტზე მხარეებს შორის სამუშაო შეხვედრა მიმდინარეობს. მთავარი დისკუსიის თემაა, როგორ შეიძლება ამნისტიის იმდაგვარად ამოქმედება, რომ მოხდეს აქციაზე დაზარალებულთა ინტერესების სრულფასოვნად გათვალისწინება.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს