"ქართული ოცნების" მიერ მომზადებული ამნისტიის კანონპროექტი პარლამენტში დარეგისტრირდა

„ქართული ოცნების“ გუნდმა მივიღეთ გადაწყვეტილება, რომ შევასრულოთ ხელშეკრულებით ნაკისრი ვალდებულება და დავაინიციროთ ამნისტიის შესახებ კანონპროექტი, - ამის შესახებ უმრავლესობის წევრმა ანრი ოხანაშვილმა ბრიფინგზე განაცხადა.

მისი განმარტებით, ამით ქართულ პოლიტიკაში პოლარიზაცია უნდა დასრულდეს.

„საზოგადოებისთვის ცნობილია, რომ ბოლო პერიოდში მიმდინარეობდა ინტენსიური მოლაპარაკებები შარლ მიშელის ეგიდით. ევროპული საბჭოს პრეზიდენტის ჩართულობით საბოლოოდ საქართველოს პოლიტიკური პარტიების მიერ, 2021 წლის 19 აპრილს, ხელმოწერილი იქნა კონკრეტული შეთანხმება. ამ შეთანხმებიდან გამომდინარე, ხელმომწერმა პოლიტიკურმა პარტიებმა ვიკისრეთ მთელი რიგი ვალდებულებები და პასუხისმგებლობები. ამის შესაბამისად, შეთანხმებიდან გამომდინარე, ერთ-ერთი ასეთი პუნქტი შეეხება ამნისტიის აქტის გამოცემას.

მოგეხსენებათ, რომ ბოლო დღეებში „ქართული ოცნების“ წარმომადგენლები ვმართავდით საკმაოდ საქმიან და ინტენსიურ შეხვედრებს იმ ოპოზიციურ ჯგუფებთან, რომლებიც არიან შეთანხმების ხელმომწერი. ჩვენ გვქონდა აზრთა გაცვლა-გამოცვლა. პრინციპების დონეზე, ძირითადი თანხვედრა არის იდეებში და ძირითად საკითხებში, თუმცა არის გარკვეული განსხვავებები. აქედან გამომდინარე, „ქართული ოცნების“ გუნდმა მივიღეთ გადაწყვეტილება, რომ შევასრულოთ ხელშეკრულებით ნაკისრი ვალდებულება და დავაინიციროთ ამნისტიის შესახებ კანონპროექტი“, - განაცხადა ოხანაშვილმა.

ამასთან ოხანაშვილის თქმით, ბიუროს შესაბამისი პროექტი მომავალ სამშაბათს წარედგინება.

„ეს პროექტი საორგანიზაციოში გადავაგზავნეთ. ეს ნიშნავს იმას, რომ დღეს არის ეს პროექტი დარეგისტრირებული. ეს ნიშნავს იმას, რომ შეთანხმება რომ ითვალისწინებდა კონკრეტულ ვადაში ინიცირებას, ჩვენ დავაინიცირეთ იმ ვადაში, როგორც ეს გათვალისწინებულია შეთანხმებაში. ბიუროს მომდევნო სამშაბათს წარედგინება“, - განაცხადა ოხანაშვილმა.

გიორგი კანაშვილი - ჩვენ ერთსა და იმავე „ფილმს“ გვაყურებინებენ, პოლარიზებით ყველა დაიღალა, ხანდახან იქმნება წარმოდგენა, რომ თვითონ პოლარიზების შემოქმედნიც, მაგრამ, სამწუხაროდ, მაინც არაფერი იცვლება
ქართული პრესის მიმოხილვა 27.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
ელიტ ელექტრონიქსი 26 წლის იუბილეს აღნიშნავს
„საქართველოს ბანკმა“ ქართველ ემიგრანტებს დამოუკიდებლობის დღე ოთხ  ქვეყანაში ბილბორდებით მიულოცა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა