დავით ჭიჭინაძე - ამნისტია წყალგამყოფი აღმოჩნდა და ოპოზიციური ერთობა გახლეჩილი - შედეგი შემოდგომაზე დადგება

ამნისტია წყალგამყოფი აღმოჩნდა და ოპოზიციური ერთობა გახლეჩილი. შედეგი შემოდგომაზე, ადგილობრივ არჩევნებზე აუცილებლად დადგება - პარლამენტში შესული, რეპუტაცია დაკარგული ოპოზიცია ხმებს დაკარგავს, - ამის შესახებ „ტრიბუნას“ ლიდერმა დავით ჭიჭინაძემ განაცხადა.

მისივე განმარტებით, „ქართულ ოცნებას“ აწყობს, რომ ოპოზიციამ ადგილობრივ არჩევნებზე ხმები დაკარგოს.

„პარლამენტში შესული რეპუტაცია დაკარგულები დღეს იმ მორალს და ზნეობას ებრძვიან, რომელიც ნიკას აქვს შენარჩუნებული და იმ სიმტკიცის წართმევა უნდათ მისთვის, რომელიც მას ციხეში ჯდომაში ეხმარება. ეს იმის ბრალია, რომ თავადაც იმ ცვლილებების გარშემო კი არ გაერთიანდნენ, რომელიც ხალხს სჭირდება, არამედ დროებითი საჭიროების გარშემო გაერთიანდნენ, მერე რომ უფრო სარფიანად ევაჭრათ ცალ-ცალკე. ამით კი საბოლოოდ, მხოლოდ „ოცნებას“ „გაუპრავეს“. ანუ, სანამ მთავარი აქტორი ციხეშია, და დანარჩენები ვაჭრობდნენ, ამნისტია წყალგამყოფი აღმოჩნდა და ოპოზიციური ერთობა გახლეჩილი... შედეგი შემოდგომაზე, ადგილობრივ არჩევნებზე აუცილებლად დადგება. რადგან, პარლამენტში შესული, რეპუტაცია დაკარგული ოპოზიცია დაკარგავს ხმებს, რაც პირველ რიგში სწორედ „ქართულ ოცნებას“ აწყობს”, - განაცხადა ჭიჭინაძემ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს