ირაკლი კობახიძე - „ნაცმოძრაობასთან" აფილირებული პოლიტიკოსები ეწინააღმდეგებიან შეთანხმებას

„ნაცმოძრაობასთან“ აფილირებული პოლიტიკოსები ეწინააღმდეგებიან შეთანხმებას, - ამის შესახებ ჟურნალისტებთან პარტია „ქართული ოცნების“ თავმჯდომარე ირაკლი კობახიძემ ამნისტიის კანონპროექტზე გუშინდელი შეხვედრის კომენტირებისას განაცხადა.

მან იმედი გამოთქვა, რომ ამის მიუხედავად, ერთიან კანონპროექტზე შეჯერება მოხერხდება, თუმცა, აღნიშნა, რომ კონკრეტული პოლიტიკოსების ნაწილი, რომელმაც მიუხედავად იმისა, რომ შეთანხმების დოკუმენტს ხელი მოაწერა, ამ შეთანხმებას ეწინააღმდეგება. მისი თქმით, გულისხმობს ადამიანებს, რომლებსაც მჭიდრო კავშირი აქვთ როგორც „ნაციონალურ მოძრაობასთან", ასევე „ევროპულ საქართველოსთან".

„დავიტოვოთ იმედი, რომ ერთიან კანონპროექტზე მოხერხდება პოზიციების შეჯერება. ვხედავთ, რომ ყოველი ფეხის ნაბიჯზე ისინი ეწინააღმდეგებიან შეთანხმებას, რომელსაც თვითონ მოაწერეს ხელი, აშკარაა, რომ მათთვის დოკუმენტზე ხელმოწერა იყო იძულება, ვგულისხმობ „ნაცმოძრაობასთან“ აფილირებულ პოლიტიკოსებს. ხათუნა სამნიძეს არ ვგულისხმობ მაგალითად, მაგრამ იქ იყვნენ პოლიტიკოსები, რომლებსაც აქვთ უფრო მჭიდრო კავშირი „ნაცმოძრაობასთან", „ევროპულ საქართველოსთან", არ დავაკონკრეტებ. მოტივი შეიძლება იყოს ის, რომ მათ ძალიან არ მოწონთ ის დოკუმენტი, რომელსაც ხელი მოეწერა, რადგან ეს დოკუმენტი რეალურად არის გადადგმული ნაბიჯი დეესკალაციისკენ, რაც შეეხება ამ რადიკალურ პოლიტიკურ ძალებს, მათი ერთადერთი მიზანი არის არა დეესკალაცია, არამედ პირიქით, ესკალაცია,"- განაცხადა კობახიძემ.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით