გიორგი ვაშაძე - დღეს გვექნება ოპოზიციასთან შეხვედრა, შეიძლება გადავხედოთ ჩვენს სტრატეგიას ამნისტიის კანონთან დაკავშირებით

„სტრატეგია აღმაშენებლის” ლიდერი გიორგი ვაშაძე არ გამორიცხავს, რომ ამნისტიასთან დაკავშირებით ალტერნატიული კანონპროექტის დარეგისტრირება საჭირო არ იყოს იმ შემთხვევაში, თუ დაზარალებულის თანხმობის საკითხი მოიხსნება.

როგორც ვაშაძე აღნიშნავს, აღმოჩნდა, რომ ბევრი დაზარალებული პოლიციელია და ამიტომ დაზარალებულის პუნქტის ჩადება, შესაძლოა, კიდევ გახდეს „ქართული ოცნების” მხრიდან მანიპულაციების მიზეზი.

„გუშინ ადვოკატებთან საუბრისას გაირკვა, რომ პოლიციელი უფრო მეტია დაზარალებული, ვიდრე ადამიანები, ვინც თვალი დაკარგა. საერთოდ, ადამიანები, ვინც თვალი დაკარგა, დაზარალებულად არ არიან ცნობილნი. დღეს გვექნება ოპოზიციასთან შეხვედრა, შეიძლება გადავხედოთ ჩვენს სტრატეგიას ამნისტიის კანონთან დაკავშირებით. არ გვინდა ისეთი ამნისტიის კანონპროექტი შევიტანოთ, რომელიც კიდევ მანიპულაციის შესაძლებლობა მივცეთ „ქართულ ოცნებას”, რომ მაგალითად - პოლიციელი არ აძლევს ნიკა მელიას თანხმობას, ან პოლიციელი არ აძლევს თანხმობას ბესიკ თამლიანს. ამაზე სამუშაოა, სამი კვირა გვაქვს. თუ თანხმობის საკითხი მოიხსნება, იქნებ იყოს შესაძლებლობა, რომ აღარ იყოს საჭირო ალტერნატიული კანონპროექტის დარეგისტრირება და წავიდეთ იმ გზით, რომ ჩავკეტოთ ძალადობის მუხლები, კონვენციური დანაშაულებები, რომელზეც მივიღეთ პირობა, რომ „ქართული ოცნების” კანონპროექტშიც იქნება”,- განაცხადა ვაშაძემ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა