სალომე სამადაშვილი - ნიკა მელიას  მიაჩნია, რომ ძალიან მნიშვნელოვანია, დღეს ოპოზიციამ შეინარჩუნოს ერთიანობა

ნიკა მელია არის ძალიან მხნედ, კმაყოფილია, რომ გიორგი რურუა გათავისუფლდა, - ამის შესახებ დეპუტატმა სალომე სამადაშვილმა რუსთავის პენიტენციური დაწესებულების დატოვების შემდეგ განაცხადა, სადაც ის „ნაციონალური მოძრაობის" ბრალდებულ თავმჯდომარეს, ნიკა მელიას შეხვდა.

როგორც სამადაშვილი აცხადებს, ნიკა მელიას მიაჩნია, რომ მნიშვნელოვანია ოპოზიციამ ერთიანობა შეინარჩუნოს.

„პირველ რიგში მნიშვნელოვანია, რომ ნიკა მელია არის ძალიან მხნედ, ძალიან კმაყოფილია, რომ გიორგი რურუა გათავისუფლდა გუშინ. მას მიაჩნია, რომ დღეს ძალიან მნიშვნელოვანია ოპოზიციამ შეინარჩუნოს ერთიანობა, ჩვენ მასთან მიმდინარე პოლიტიკურ პროცესებზე ვისაუბრეთ, იმაზე, თუ როგორ შეიძლება ამ შეთანხმების გამოყენება ყველაზე უფრო პოზიტიურად, როგორც ნიკას გასათავისუფლებლად, ასევე ქვეყანაში მიმდინარე პოლიტიკური კრიზისის დასაძლევად“, - აცხადებს სამადაშვილი.

სალომე სამადაშვილი იმედოვნებს, რომ ნიკა მელია საპატიმროს მალე დატოვებს.

„ ვფიქრობ, ნიკამ ძალიან კარგად იცის, რომ ყველა გადაწყვეტილება, რომელიც მე მივიღე, იყო როგორც ჩვენი სახელმწიფოს ინტერესებიდან გამომდინარე, ასევე ის, თუ როგორ ვაფასებ მე ამ ვითარებიდან გამოსავლის გზას. ერთი პოლიტპატიმარი უკვე გათავისუფლდა, დიდი იმედი მაქვს, მალე ჩვენ მეორესაც გავათავისუფლებთ“,-აცხადებს სამადაშვილი.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს