„საქართველოს წითელი ჯვრის“ და ამერიკული ფეხბურთის ფედერაციას შორის მემორანდუმი გაფორმდა
საქართველოს წითელი ჯვრის საზოგოდეობასა და ამერიკული ფეხბურთის ფედერაციას შორის გაფორმდა ურთიერთთანამშრომლობის მემორანდუმი.
საქართველოს წითელი ჯვრის საზოგოდეობის ინფორმაციით, მემორანდუმს ხელი მოაწერეს საქართველოს წითელი ჯვრის პრეზიდენტმა ნათია ლოლაძემ და ამერიკული ფეხბურთის ფედერაციის პრეზიდენტმა ზაქარია ჯაჭვაძემ.
„მემორანდუმის მიზანია, მხარეთა შორის თანამშრომლობის გაღრმავება, სამომავლოდ ერთობლივი საქმიანობების დაგეგმვა-განხორციელება და ასევე, ჯანსაღი ცხოვრების წესის პოპულარიზაცია.
აღსანიშნავია, რომ პანდემიის დაწყებიდანვე საქართველოს წითელი ჯვრის საზოგადოების ჰუმანიტარულ საქმიანობებში აქტიურად მონაწილეობდნენ ამა თუ იმ სპორტის სახეობების წარმომადგენლები და ეს ჩართულობა კიდევ უფრო გამყარდება ამერიკული ფეხბურთის ფედერაციასთან ურთიერთთანამშრომლობის მემორანდუმის ფარგლებში“, - აღნიშნულია გავრცელებულ ინფორმაციაში.
