ჯანდაცვის მინისტრი - ჩვენი სურვილი არ არის, რომ „ლოკდაუნი“ იყოს

ჩვენი სურვილი არ არის, რომ „ლოკდაუნი“ იყოს, - ამის შესახებ ჯანდაცვის მინისტრმა ეკატერინე ტიკარაძემ პარლამენტში, „მინისტრის საათის“ ფორმატში დასმული კითხვის საპასუხოდ განაცხადა.

როგორც ტიკარაძემ აღნიშნა, მუდმივი, მკაცრი „ლოკდაუნი“ შესაძლოა, გამოსავალი არ იყოს და ამას სხვა ქვეყნების პრაქტიკაც აჩვენებს.

„სხვადასხვა ქვეყანამ მიმართა საკმაოდ მკაცრ ღონისძიებებს. ბევრი ქვეყანა უკვე თვეების მანძილზე, 7-8 თვეა „ლოკდაუნის“ ქვეშ არის. რა თქმა უნდა, ეს არის ძლიერი ქვეყნები, რომლებსაც თავიანთი ეკონომიკური მდგომარეობიდან გამომდინარე აქვთ იმის ფუფუნება, რომ თავიანთ მოქალაქეებს შესთავაზონ ღირსეული დანამატები, შრომითი ანაზღაურება და აქედან გამომდინარე „ლოკდაუნი“ შეინარჩუნონ ასე მკაცრად. ნამდვილად ვთვლით, რომ მნიშვნელოვანია ოქროს შუალედი ვიპოვოთ და არ მივმართოთ რომელიმე რადიკალურ ხერხს, არ გვქონდეს მუდმივი „ლოკდაუნი“, რაც შეიძლება არ იყოს გამოსავალი და ამას ჩვენ სხვა ქვეყნების მაგალითზე ვაკვირდებით, მათ აქვთ „ლოკდაუნი“, მაგრამ საკმაოდ მაღალი მაჩვენებელი აქვთ ინფექციის გავრცელების. ჩვენი სურვილი არ არის, რომ „ლოკდაუნი“ იყოს. აქედან გამომდინარე, მნიშვნელოვანია მოსახლეობის და კერძო სექტორის ინტენსიური ჩართულობა. საქართველო იყო მეორე ქვეყანა, რომელმაც გაწერა ძალიან ბევრი მიმართულებით ყველა ის ღონისძიება ეკონომიკური სექტორის მიმართულებით, სადაც ჩვენს მოქალაქეებს შესაძლებლობა ექნებათ უსაფრთხოდ იმუშაონ და უსაფრთხოდ მიიღონ ყველა ის სერვისი, რომელიც მათ ესაჭიროებათ. თუ კერძო სექტორისგან ამ რეგულაციებზე დამყოლობა იქნება გაზრდილი და ჩვენი მოქალაქეები არ შეეცდებიან გარკვეული რეგულაციების გვერდის ავლით გამართონ გარკვეული სოციალური ღონისძიებები, ჩვენ გვექნება გაცილებით უკეთესი გამოსავალი“, - განაცხადა ტიკარაძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები