გიორგი ვაშაძე - კიდევ ერთხელ მოვუწოდებთ ოპოზიციონერ კოლეგებს, შემოუერთდნენ მნიშვნელოვან ბრძოლას - უნდა დავასრულოთ “გარჩევები” და გადავიდეთ იმაზე, რომ ფუნდამენტურად შევცვალოთ გარემო ქვეყანაში

„სტრატეგია აღმაშენებლის“ ლიდერის გიორგი ვაშაძის ინფორმაციით, შარლ მიშელის დოკუმენტზე ხელმომწერი პარტიები და ინდივიდუალური დეპუტატები ერთობლივ განცხადებას გაავრცელებენ.

როგორც ვაშაძემ აღნიშნა, ამ განცხადებით ისინი სხვა ოპოზიციურ კოლეგებს მოუწოდებენ, შეუერთდნენ დოკუმენტს.

ვაშაძის თქმით, ახლა გარჩევებისა და ერთმანეთისკენ ხელის გაშვერის დრო არ არის.

„ახლა გავრცელდება შარლ მიშელის დოკუმენტზე ხელმომწერი პარტიებისა და ინდივიდუალური დეპუტატების ერთობლივი განცხადება, სადაც ჩვენ კიდევ ერთხელ მოვუწოდებთ ჩვენს ოპოზიციურ კოლეგებს, რომ შემოუერთდნენ იმ მნიშვნელოვან ბრძოლას, რასაც ნიშნავს ამ ძალიან მნიშვნელოვანი დოკუმენტის იმპლემენტაცია. მე მგონია, უნდა დავასრულოთ ეს გარჩევები და ვიწროპარტიული ინტერესების ნაცვლად, უნდა გადვიდეთ იმაზე, რომ რეალურად ფუნდამენტურად შევცვალოთ გარემო ქვეყანაში.

რურუა გათავისუფლებულია, მაქსიმალურად მოკლე ვადაში უნდა გავათავისუფლოთ ნიკა მელია, უნდა მივიღოთ ყველა ის კანონი, რომელიც გათვალისწინებულია, საკონსტიტუციო ცვლილებების ჩათვლით, შარლ მიშელის დოკუმენტში.

მე მგონი, ახლა გარჩევების, ერთმანეთისკენ ხელის გაშვერის დრო არ არის, არ არის ჩასაფრებული პოზიციის დრო და არის დრო, რომ რეალური საქმის კეთება დავიწყოთ“, - განაცხადა ვაშაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა