გიორგი ვაშაძე - ჩვენს კანონპროექტში მითითებულია, რომ დაზარალებულების თანხმობა საჭირო იქნება პოლიციელებისთვის, მაგრამ არ იქნება საჭირო დემონსტრანტებისა და ნიკა მელიასთვის

„სტრატეგია აღმაშენებლის“ ლიდერის გიორგი ვაშაძის განცხადებით, ოპოზიციის მიერ დაინიცირებულ კანონში ჩამკეტის სახით ჩაიწერება შემდეგი რამ: დაზარალებულების თანხმობა საჭირო იქნება პოლიციელების ამნისტიის აქტით გათავისუფლებისთვის თუმცა იგივე საჭირო არ იქნება დემონსტრანტებისა და ნიკა მელიასთვის.

ამასთანავე, ვაშაძის განმარტებით, ამნისტიის შესახებ კანონი არ შეეხებათ „ჯალათებს“.

„ძალიან კარგი გამოსავალი მოვძებნეთ ჩვენს კანონპროექტში, ჩემი აზრით, აბსოლუტურად სამართლიანად არის მითითებული შემდეგი რამ: დაზარალებულების თანხმობა საჭირო იქნება პოლიციელებისთვის, დაზარალებულის თანხმობა საჭირო არ იქნება დემონსტრანტებისა და ნიკა მელიასთვის, იმიტომ, რომ ყველამ კარგად იცით, რომ 70 პოლიციელის თანხმობით მანიპულაცია შეიძლება დაიწყოს მომავალში. მე არ ვეთანხმები იმ გამოძიების შინაარსს, რომელიც არის წარმოებული 20 ივნისთან დაკავშირებით, არ ვთვლი არც ერთ პოლიციელს დაზარალებულად, ვინც მიიღო 20 ივნისის სისხლიან დაშლაში მონაწილეობა და რაც მთავარია, ვთვლი დაზარალებულად იმ ადამიანებს, ვისაც თვალი ამოსთხარეს. აქედან გამომდინარე, ვფიქრობ, რომ ამით ყველაფერი ნათქვამია და ნათელია. ჩვენ გვაქვს გარანტია, რომ „ქართული ოცნების“ ინიციატივაშიც კონვენციურ მუხლებზე არ გავრცელდება ამნისტია და გვაქვს მეორე გარანტია, რომ 117-ე მუხლზე, რომელიც არის თვალის ამოთხრის მუხლი, პირდაპირ რომ დავარქვათ, არ გავრცელდება ამნისტია. დანარჩენ საკითხებზე ჩვენ გვინდა, რომ მეტი გარანტია იყოს ჩადებული ამ კანონებში“,- განაცხადა გიორგი ვაშაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა