არ მგონია, ნიკა მელიას იმდენი თანხა არ ჰქონდეს, რომ თავად ვერ გადაიხადოს გირაო , - ასე ეხმიანება საგარეო ურთიერთობათა კომიტეტის თავმჯდომარე ნიკოლოზ სამხარაძე ნიკა მელიას პოზიციას, რომ ევროკავშირის გირაოს მიიღებს, თუ ამნისტიის პროექტს გაიწვევენ.

სამხარაძის თქმით, თუ საქმე პრინციპულობას ეხება, მან არც გირაო უნდა მიიღოს.

"შეთანხმებაში ცალსახად წერია, რა და როგორ უნდა მოხდეს. ყველაფერი დანარჩენი, რაც ამ შეთანხმების გვერდის ავლას გულისხმობს, ხელშეკრულების დარღვევა იქნება იმ პარტიებისგან, ვინც დოკუმენტის ხელმომწერები არიან. ჩემთვის გაუგებარია, ევროკავშირის გირაოს მიღება მაშინ, როცა გირაოს თავად არ იხდის. ეს აუხსნელია, რადგან თუ პრინციპულობას აქვს ადგილი, მაშინ არც ევროკავშირის გირაო არ უნდა მიიღოს", - განაცხადა სამხარაძემ.