არჩილ თალაკვაძის განცხადებით, ნიკა მელიასთვის იმუნიტეტის მოხსნის საკითხზე  დღესაც და 2 თვის შემდეგაც იგივე გადაწყვეტილებას მიიღებდა

საპარლამენტო უმრავლესობის ერთ-ერთი ლიდერის, პარლამენტის თავმჯდომარე არჩილ თალაკვაძის განცხადებით, ნიკა მელიასთვის იმუნიტეტის მოხსნასთან დაკავშირებით დღესაც და 2 თვის შემდეგაც იგივე გადაწყვეტილებას მიიღებდა.

„ადამიანს, რომელიც დემოკრატიულ სახელმწიფოში გამოდის და ამბობს, რომ მისთვის კანონები არ არსებობს და შეუძლია დაარღვიოს, სახელმწიფო ვალდებულია შეახსენოს, რომ არსებობს კანონი და არსებობს სახელმწიფო.

ვფიქრობ, 2 თვის წინაც, 2 თვის შემდეგაც, თუ ვინმე, მითუმეტეს საჯარო პოლიტიკური პირი გამოვა და იტყვის, რომ ის კანონებზე მაღლა დგას, სხვა მოქალაქეებს კანონი ეხებათ და მას არა, თუ ეს ადამიანი ძალადობრივ შეტევით ორგანიზებაში ჩაერთვება პარლამენტის, მთავრობის თუ ცესკო-ს წინააღმდეგ, არ აქვს მნიშვნელობა, დღესაც ვფიქრობ, სახელმწიფომ მას უნდა შეახსენოს, რომ ამ ქვეყანაში არსებობს კანონი და კანონის უზენაესობა“, - ასე უპასუხა თალაკვაძემ „პალიტრანიუსის“ გადაცემა „დღის ნიუსრუმში“ შეკითხვას, რამდენად გამოჩნდა, რომ თავის დროზე ნიკა მელიას დაკავებით ხელისუფლებამ შეცდომა დაუშვა, რადგან ახლა თავადვე უწევს მისი გათავისუფლების გზების ძიება.

არჩილ თალაკვაძემ უშუალოდ ნიკა მელიას პოზიციაზეც ისაუბრა და აღნიშნა, რომ საზოგადოებამ უნდა განსაჯოს, რამდენად მართალია მელია, რომ „ევროკავშირს სთხოვს ფულის გადახდას“, ისევე როგორც უნდა განსაჯოს ის, მელია „ქვეყანაზე ფიქრობს თუ თავის თავზე“.

„რამდენად სწორია, ქვეყანაზე ფიქრობს თუ თავის თავზე, როცა ევროკავშირს სთხოვს ფულის გადახდას, ეს საზოგადოებამ განსაჯოს. რატომ უნდა შეწუხდეს ევროპელი გადასახადის გადამხდელი ნიკანორ მელიას გირაოს გადასახდელად? თუმცა, კარგია, რომ ეს თანხა არავის ეკარგება, უკან უბრუნდება...

გირაო საერთოდ არ ეხება სასამართლოს საბოლოო გადაწყვეტილებას. გირაოთი ახლა გამოვა თუ არა, ეს არ ნიშნავს, რომ საბოლოო გადაწყვეტილებაზე გავლენას მოახდენს“, - განაცხადა თალაკვაძემ.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“