“ქართული ოცნების” ცენტრალურ ოფისში, პარტიის აღმასრულებელმა მდივანმა მამუკა მდინარაძემ და რეგიონულმა მდივანმა დიმიტრი სამხარაძემ რეგიონული დეპარტამენტის თათბირი გამართეს. ინფორმაციას დიმიტრი სამხარაძე სოციალურ ქსელში ავრცელებს.

მისივე ინფორმაციით, თათბირს ესწრებოდნენ რეგიონული მდივნის მოადგილეები, ნიკა ტყემალაძე, ზურაბ იაშვილი, კობა სამხარაძე და რეგიონული კოორდინატორები.

„თათბირზე განხილულ იქნა თვითმმართველობის არჩევნებისათვის მომზადების და საოლქო ორგანიზაციების შტაბურ რეჟიმზე გადაყვანის პროცესი, მუნიციპალიტეტებში არსებული სხვადასხვა პარტიული საკითხები და სამომავლო გეგმები”, - ნათქვამია ინფორმაციაში.